更新時間：19:59 2025-08-01
發佈時間：19:59 2025-08-01
發佈時間：19:59 2025-08-01
這也太離譜了！有網民前日（7月30日）在超市目睹一名長髮女子，疑似公然「砌大袋番薯」，並將事件及拍下的現場照片分享。不少網民怒斥該名女子缺德兼貪心，直言「同偷有咩分別」？網民更紛紛大爆經歷，有見過更誇張的情況！
樓主：我睇佢唔係換 係砌大袋啲
樓主前日在社交平台Threads上載相片並發帖，留言﹕「之前見到大家post（發帖）出嚟，話啲人喺超市打開包裝換嘢，講真，我未見過……直至今日……我睇佢唔係換，係砌大袋啲。C9（師奶）……你跌咗嘢，跌咗個公德心呀！」從其相中可見，一名長髮女子正打開貨架上一包蕃薯，而在她身前的購物車上，則放著一包袋口大開的番薯。
網民：換下換下其他唔夠重
有網民奇怪﹕「無職員？應該算盜竊？」樓主回應指「冇呀……啲職員喺晒收銀位」。有細心網民分析，「如果這樣換，換下換下，其他包裝食物會唔會唔夠重量，這樣超市或產品公司隨時俾人告呃重量」。
不少人指責該名女子「咁不要臉」、「咁貪心嘅」、「砌大袋啲＝偷」、「下次一律拍片」、「一袋價錢併夠一袋半」、「同偷有咩分別」、「佢應該重覺得自己好Ｘ醒」。還有人感慨「嗰幾蚊嘢……唉」、「換蛋見得多，咁樣做又未見過」、「值咩錢同食得幾多吖番薯，折墮到咁」。
另有網民則自爆目睹同類惡行，稱「之前係沙田ＸＸ見過」、「有啲阿婆現場摘晒菜先買」、「我見過人喺旺角ＸＸ換橙，揀啲靚嘅入自己個袋」、「見過有人打開兩盒蛋，然後揀晒大隻啲組成一盒買走」、「我喺超市見過有人將一支梘液倒滿另一枝然後攞去俾錢 」、「我喺屯門ＸＸＸＸ都遇過咁嘅人，即場搵啲職員篤Ｘ佢」。
有網民更詳述所見所聞：
有網民更詳細講述所見所聞：
•以前我只係見過啲人換蛋，打開其他盒將啲大隻嘅換佢自己個盒細隻嘅，佢買嘅數量係一樣；但今次呢個C9唔係換係偷，超市有CCTV（天眼）可以報警拉得。Threads截圖
•我試過鬧過一位上咗年紀阿姐喺太古ＸＸＸＸ換桃，佢話打開睇下，俾我即話佢，我見到你攞起個桃，個個攞過仲得掂。之後佢口噏噏話我咩；Threads截圖
•見過ＸＸ有一箱箱奇異果賣，有個阿姐盒盒都開下，將大隻嘅放埋一盒，眼見有至少30盒，佢全部都開過；Threads截圖
資料來源：for9talk＠Threads
最Hit
