發佈時間：19:21 2025-10-02
有公屋住戶周一（9月30日）在「公屋討論區-香港facebook群組」FB專頁發布照片及帖文，指「住咗17年單位last day交吉」。他表示自己由小六起入住該單位，入伙時花費了12萬元裝修，結果現在交還單位，還原費用竟近4萬元！帖文引發關注，有網民分享了自己交還公屋的省錢秘訣。
樓主表示，在單位住了17年，曾經三代同堂，「回憶返爺嫲瞓過嘅床，屋企一齊食飯嘅大廳，有點不捨」。由於「屋企老人家百年歸老，變寬敞戶畀一年限期」，因而需要交還單位。而租戶交還公屋須先還原單位，樓主選擇付費由房署代為還原，從其公開的付款收據中可見，還原單位共花費39,563元。他透露，入伙裝修開支為12萬元，「同豪裝相距甚遠」。
承接上手改裝亦須付費還原
據樓主指：「當時入伙廚房灶台，廁所洗手盆上一手已經改裝雲石台，房署問我屋企人要唔要接手我哋ok，依家交吉原來要照收還原費。」其分享的收據顯示，廁所洗手盆還原費$963.48元，廚房灶台還原費為$2,241.048元。
此外，由於廁所門「發黴爛咗自己換過」，非房署原裝門，故又要付還原費$1,560元。
有眼利網民發現還原開支明細，在廁所方面，寫明收取兩次$1,560元的「還原廁所木門連櫃」，以及$2,530元的「更換相連式座廁連座板和蓋」，合共8,180元，樓主回應指因為單位有兩個廁所。
有網民認為樓主的還原費用驚人，當初裝修所費不菲：「富户嚟噃！17年前公屋用十幾萬裝修？？！！仲抝！」但有網民則不認同：「只不過係17年前你連十鬆啲萬都冇，貧窮影響你嘅認知啫咁叫富戶呀。」
網民教還原省錢：門可以問垃圾姨姨 有得買返
有網民則分享自己交還公屋的省錢秘訣：「我早兩年都係咁，有價講的，門可以問垃圾姨姨，有得買返，擺返響度就得。我果時搵返3隻門加鐵閘同窗花，賠少兩萬。我埋單大約賠$36000。」
立即追蹤《東周刊》全新WhatsApp頻道，緊貼全城熱話、突發猛料、獨家消息！
