更新時間：12:05 2025-07-29
發佈時間：12:05 2025-07-29
發佈時間：12:05 2025-07-29
香港天文台今早先後於8時05分及8時40分發出黃色及紅色暴雨警告，直至9時10分才掛出今年首個黑色暴雨警告信號。由於黑雨警告發出時間略嫌延遲，不少市民在紅雨期間已冒雨上班，結果「濕身返工」後才見天文台掛黑雨，引發網民不滿，紛紛湧入天文台Facebook留言批評。
打工仔怨聲載道：早就濕透，返到公司先知黑雨？
不少打工仔留言直斥：「返晒工先掛黑雨」、「有遮都全身濕晒！」更有人形容：「啱啱返工落到狗屎咁，有遮都冇用，返到公司先同我講黑雨？如果真係有危險，咁遲先警告，人都已經出事啦，咩叫預警？」
網民質疑：黑雨「唔過9點唔掛」？
有網民揶揄天文台「好準時喎，唔過9點唔掛」，亦有人表示「我已經淋濕晒啦」，質疑警告信號未能真正反映實際情況。
地區差異惹不滿：天文台只為港島服務？
部分網民更懷疑天文台偏重港島區：「成朝咁大雨都只係黃雨，濕漉漉返到公司就即刻掛黑雨」、「公司附近水浸到過河咁，一早就應該掛啦」。有人反問：「港島落嘅雨先叫雨？天文台係咪只為港島區工作？」
最Hit
