發佈時間：18:17 2025-07-29
CHIIKAWA｜CHIIKAWA玩具｜麥當勞CHIIKAWA玩具｜香港麥當勞開心樂園餐CHIIKAWA（吉伊卡哇）玩具昨日正式開賣並隨即掀起一股搶購熱潮，除了多區的麥當勞門外出現長長的人龍排隊輪候購買外，更有分店在不足1小時便被客人換罄全數約200個CHIIKAWA玩具，不過有不少粉絲在收到玩具後卻發現玩具的質素十分參差，不約而同地出現甩色、崩裂、有污漬等等的問題，令一眾網民隨即紛紛到香港麥當勞的Facebook專頁上留言投訴，即睇詳情。
CHIIKAWA玩具質素參差 網民鬧爆麥當勞
香港麥當勞於昨日率先推出Hachiware（小八貓）麥當勞日曆作為隨開心樂園餐附送的CHIIKAWA玩具，而據不同網民分享在收到玩具後的實物圖片可見，有多個玩具的質素都非常參差，這款小八貓玩具表面除了有著刮痕及磨損外，更出現了明顯的變色或褪色現象，令到玩具大失原本該有的美觀，因此惹來一眾網民齊齊到香港麥當勞的Facebook專頁上留言鬧爆：「隻公仔勁污糟，仲有膠黐晒啲污糟嘢，係咪二手㗎？」、「好肉酸啊，公仔成個顏色花晒，眼睛甩色隻手甩晒隻鞋都甩色」、「換到今日個玩具返來，隻小八貓塊面又污糟，d(啲)月份嘅字甩左(咗)，冇晒，入面有啲又甩墨咁」、「公仔成個顏色花晒，眼睛甩色隻手甩晒色，超失望囉，離晒譜」，而更有網民投訴與店鋪職員反映玩具出現問題後亦無法更換：「個玩具一拆開就甩曬(晒)色，耳仔仲崩咗，鋪頭同事話冇得換過隻，跟住send咗form ，但係又冇反應，請問可以點？」
對於多個開心樂園餐CHIIKAWA玩具出現問題，麥當勞官方則在Facebook上向留言表示受影響的客人指將會透過Inbox為他們作出跟進：「唔好意思為您帶嚟不愉快嘅經歷，有勞您透過Inbox提供麥當勞App登記電郵以及相關玩具嘅照片，我哋會為您跟進，謝謝。」、「您好，我哋已透過inbox為您跟進，謝謝」，而在截稿前則未見香港麥當勞官方有發出其他相關公告。
