更新時間：18:51 2025-07-12
發佈時間：18:50 2025-07-12
發佈時間：18:50 2025-07-12
搭扶手電梯時要留神！有網民昨日（11日）下午在facebook群組「將軍澳主場」發帖，指自己遇上「炒梯」，「同死神擦肩而過」，並分享現場照片，引發網民關注。隨後有街坊認出事發地點為坑口一商場，還陸續有人指，將軍澳區內有多處近都有扶手電梯出現問題，提醒大家出行要小心。
樓主：扶手梯突然勁大聲響
據發帖網民指，昨日聽到涉事扶手電梯「突然之間勁大聲響停低，之後我行上去望，即刻掉頭走」。從其上載的照片中可見，該扶手電梯接近頂端的階級不平，有路人站在梯前觀望，一名女子踏上旁邊扶手電梯後亦回頭探看。
帖子一出，即有網民認出事發地點為坑口一商場，「呢條電梯10日晚上都停過，頭先食飯前見停，食完又好返」、「近排見過呢條電梯運作期間急停過兩次，冇人受傷，估唔到今次炒埋」。
隨後有多名街坊接連爆料，指前天（10日）坑口站A出口連接商場的電梯，「又係上上下突然停咗，前面幾個人爭啲向後碌落嚟，好彩個個企得穩」，有人也指該扶手電梯昨日「都Chok下Chok下」，提醒「大家呢排要小心」。有人指昨日下午約4時30分，寶林一商場的電梯也急停，幸而自己有捉實扶手。
加強搭扶手梯安全意識
此外，有網民稱昨午在港鐵觀塘站內目睹驚險一幕，指有對夫婦一人推一個大行李喼走上扶手電梯，一名男子緊隨其後，結果發生意外。「因女的跌倒，老公想扶但唔夠力，男士想扶都唔成功，結果大家一齊跌。好彩當時只有他們3人，有位女士馬上按停，才免釀成嚴重意外。」該網民提醒，「見到拿喼的不要跟貼，希望大家平安」。
不少人更提醒要加強乘搭扶手電梯的安全意識：
- 雙腳不應靠近級邊；
- 還要喺扶手電梯上企定定，不要行；
- 所以要握實扶手，啲人無危機感，仲掛住睇手機；
- 所以見到有嬰兒車及腳患人士等等，我都會遠離幾步，甚至等他們上咗去先。
資料來源：Waiching Tuen＠facebook
最Hit
