更新時間：19:22 2025-07-11
發佈時間：19:22 2025-07-11
發佈時間：19:22 2025-07-11
有幸運兒公屋首派即獲有「樓王」之稱的筲箕灣愛東邨單位，然而該單位卻因一事被列為凶宅，讓他猶豫是否接受，並於前日（9日）在facebook群組「公屋討論區 - 香港facebook群組」發帖徵求網民意見，結果大家竟一面倒地鼓勵樓主接受，紛紛表示「簡直中大獎呀」、「老虎蟹都要」。
樓主有疑慮：係凶宅
據樓主指，其首派獲派愛東邨愛善樓1至2人單位，想知道該處「位置、交通、食嘢點啊？應唔應該接受」？又指該單位「係凶宅，有人喺嗰度跳樓自殺！所以有疑慮」。樓主隨後在回應欄補充指，單位約176呎，並再次強調是「凶宅」、「係凶宅啦。2024年8月份發生跳樓事件，可以check（查）到，所以有此顧慮」。
網民一面倒建議接受﹕簡直中大獎呀
雖有少數網民感受到樓主的心情，建議「唔好要」，但絕大部分人敦促樓主接受﹕「中頭奬」、「簡直中大獎呀」、「中咗六合彩，恨死人，交通方便，買嘢又方便，正啦」、「正到爆」、「地鐵隔籬」、「老虎蟹都要」「好的不得了，夢中情屋」、「如果我派到愛東邨就好喇」。
有網民則力數愛東邨各種好處，包括：「勁方便，隔籬商場，前面MTR」、「係超級正，附近仲有電車搭」、「如果有仔女仲好，附近有名校中小學」、「很方便近地鐵站，夠静，晚餐後行海旁散步」、「……食嘢全條東大街…周圍好多嘢食，行遠啲有太安樓」、「非常好，商場，地鐵，巴士站，街市，重點係近海邊，公園」、「超級好住，買餸平（金華街），交通方便（地鐵巴士小巴咩都有）」、「交通方便。食嘢都算多，基本物資算齊，太安樓多嘢食，行去太古城大概15分鐘」。
最後還有網民質疑﹕「唔接受樓王咁奇」、「樓王咁濟，仲要諗」、「你似曬命多啲」、「點解都仲要問，一定係曬命post（帖文）」。
資料來源：German Yung＠facebook
最Hit
