發佈時間：19:08 2025-03-31
家長身教對子女的成長很重要，但有母親卻帶兩名幼女到冒險樂園玩耍時，疑似想要偷夾公仔機的公仔，當場被人發現才收手。據了解，事發於昨日（30日），亦即涉事冒險樂園銅鑼灣分店「時代廣場Planet J」的最後營業日，有網民帖指在店內目擊該名媽媽狂扯機內公仔時出聲喝止，但對方反喊報警，還說：「都就嚟執囉，你唔攞都係去堆田區㗎喎。」
目擊網民將拍攝了現場情況的短片分享到社交平台Threads上，並表示昨日去冒險樂園夾公仔時，看到旁邊有一名女子「踎喺度整咗好耐」，身旁還站着2名年幼女童。結果樓主仔細一看，發現對方竟然是在將一個公仔從夾公仔機中扯出來。樓主怒指，「估唔到今時今日仲可以咁明目張膽……大佬呀，你帶住個小朋友，明唔明咩叫身教」。
樓主與其同行友人當即喝止該名母親，未料對方竟理直氣壯地回道是在攞公仔出來。一行人向她解釋：「你都無夾中，要夾中先叫人嚟攞㗎喎。」但對方反駁說：「佢話免費㗎喎，網上講有十次機會㗎嘛。」更指「都就嚟執囉，你唔攞都送去堆田區㗎喎」。
樓主遂嚴詞指斥：「咁唔等於你可以咁樣攞，你呢個行為係偷喎，你依家係偷緊嘢！」女子這時站起身並放下已扯出來的公仔，樓主向已趕到現場的職員講述情況，並指責該女子「黃咗至放番（公仔）係到」。對方始終未有認錯，還向職員建議「報警」樓主表示：「咁係咪報警呀？我有拍片可以做證。」女子毫不畏懼地說：「問題我無攞走呀嘛！你唔畀我攞嚟睇一睇，再攞返落去，唔得嘅咩！」樓主表示：「咁你同警察講囉。」
最後有2名職員到場處理，樓主交代事件後續，最後有兩名職員到來，「都係選擇放寬處理，咁我都明白嘅，始終最後一日同埋其實無謂搞大件事，大家帶小朋友嚟，都係為咗開心啫，到最後佢都放返隻公仔落去嘅（雖然係因為黃咗）。」
樓主在帖文中表示：「我估唔到今時今日仲可以咁明目張膽……然後問佢喺度做緊乜嘅時候，佢仲可以理直氣壯……佢就話攞公仔，跟住話如果唔攞嘅話，啲公仔都係去堆填區……大佬呀，你帶住個小朋友，明唔明咩叫身教。」
據了解，該名母親所謂的「十次機會」，是指該銅鑼灣分店因結業推出向會員送50個代幣，免費玩夾公仔活動。樓主表示，有關代幣已於當天中午派完。
網民：教壞哂D小朋友
樓主讚揚處理事件的職員：「因為後尾，佢係有同呢位姐姐講咗一陣，然之後先放佢走嘅，類似係佢唔可以咁做，咁樣係唔啱規矩之類嘅內容。」該職員為答謝樓主亦提出由樓主自選一款公仔，免費送給她，但被樓主拒絕。
帖文引發民關注，不少人斥道：「真係好肉酸！」「公仔一個，何必以身犯險？教壞咗個女第日偷嘢，今次無事，下次啲人揸正做個女就留案底了，為乜呢？」有網民更指責﹕「痴線……人哋打開門做生意㗎……咁好多嘢都會去堆填區，你咪樣樣都偷，教壞哂D小朋友。」
