發佈時間：19:01 2025-03-10
父母帶嬰兒外出，必須處處小心謹慎。近日有爸爸在社交平台IG上發文指，帶10個月大女兒外出晚膳，在餐廳停好BB車後，太太去洗手間，他轉頭「諗住搵酒精搓手液」，意外卻在一瞬間發生。他回頭只見女兒「手拎住茶壺，蓋跌咗落地下，下半身濕咗」，送院被診斷為二級燒傷。他發文指責餐廳，但網民卻有不同的看法。
這名爸爸在IG的限時動態中發帖講述事發經過，並附上了B女受傷包紮後的照片。他寫道﹕「作為父母，最唔想發生既事，終於發生咗，小朋友嚴重整親。」事發當晚，他與太太帶女兒去完Playgroup後，便到附近餐廳食晚飯。他指服務員安排他們入座時，「叫我泊架BB車入去」，而女兒仍躺在BB車中。「（B女）媽媽去咗洗手間」，他則「安頓一下自己」。
他指自己當時「只係放低個袋，擰轉頭，諗住搵酒精搓手液」，然後就聽到了茶壺蓋跌落地的聲音，「我對鞋開始有熱水，濕入襪，我就知出事」。他回頭一望，便見女兒「手拎住茶壺，蓋跌咗落地下，下半身濕咗」，當即將BB車拉到空位，並讓前來了解情況的服務員要求拿剪刀來，「剪褲，然後入廚房，用凍水沖傷口，打999 call白車」。
港爸：服務員說壺水一開始就放咗係度
這位爸爸指，服務員在意外後向他說：「壺水一開始就放咗係（喺）度，放咗係（喺）BB車，伸手可及既（嘅）位置」。他在帖文中hashtag涉事餐廳，指其在港有3間分店，皆位於新界區，主打上海菜。隨後再發第二則帖文，大字標示「好嬲！！！」，並希望網民介紹「處理過二級燒傷」及「處理過BB燒傷經驗」的醫生，以及分享日後除疤的方法。
網民：店家有責任令危險物品遠離小朋友
有關帖文引發網民熱議，對於責任屬於家長還是餐廳有不同的見解。有人認為雙方都有一定疏忽，但在場的爸爸責任最大﹕「其實店家都有責任令危險物品遠離小朋友／BB（如果放好物品後BB車再入就控制唔到），但當然最大責任一定係顧住BB嗰位大人。」
有網民直言﹕「我會覺得雙方都有責任，帶位服務員無留意到熱茶好近BB車（當然可能一帶完位就離開咗啦），但呢樣就係服務做得不足嘅地方……而個老豆責無旁貸，點都一定係佢自己錯最大，底層邏輯，你自己最重要都無睇好，邊有得鬧人，希望BB無太大手尾。」
網民：父母有責任 第一件事真係睇下熱水擺喺邊
有網民亦分享父母帶孩子外出的經驗﹕「我自己帶個仔出街，就一定時刻警覺，基本上個仔伸手可及既（嘅）範圍，都嚴禁有危險物品，意外真係一秒就會發生，所以做人阿媽，我真係唔介意畀人話我緊張大師。」
有網民指﹕「男人真係好易係呢啲位疏忽，亦都輸經驗……每一次、每一次、每一次，去餐廳食嘢，第一件事真係睇下熱水擺咗係（喺）邊？係咪有玻璃杯/易碎物品？有冇陶瓷碗碟？隻叉係咪尖頭？有冇辣油糖架擺係附近？總之呢啲係佢面前既嘢一律通通擺開……絕對絕對唔係摷袋搵消毒酒精先！」「一泊好車，就要清走晒左右枱面D嘢係基本常識！唔係安頓自己，又去搵酒精搓手液！更加唔會係間餐廳員工負責！係佢老豆老母本人負責！」
