發佈時間：19:39 2025-03-06
有網民近日在網上發帖指，懷疑責罵外傭偷懶後遭到報復，對方抱着1歲大小主人進廚房「睇粥」後，BB便嚎啕大哭，小小手臂與半邊身紅腫甩皮。醫生指他被嚴重灼傷，有可能要植皮。《星島頭條》網記者引述消息指，警方昨日（5日）在馬鞍山以涉嫌虐兒拘捕一名43歲菲傭，現正被扣留調查。涉事男童則證實為二級燒傷，經治理後已出院。
事主於本周二（4日）晚在「聘請工人姐姐關注組」FB專頁發帖指，事發在本周一（3日）。當天早上他因工人姐姐清潔不乾淨，指責她偷懶，「我哋問佢佢仲要講大話，我哋講咗佢幾句」，「然後隔咗陣，佢抱住我剛剛一歲大嘅BB去廚房度睇粥，冇耐就聽到BB喊得好大聲，瘋狂咁喊。」
太太聞聲趕至，「見到工人姐姐抱住BB喺廁所度沖水，見到BB隻手不停甩皮」。事主即時報警送BB入醫院，「救護員嚟到嘅時候剪開BB件衫，發現佢半身都喺度甩緊皮，嚴重灼傷，醫生話可能要植皮」。
從他發布的現場照片可見，BB正大哭着，手部有大片紅腫及甩皮，畫面極為嚇人。他指懷疑是遭到外傭報復，「我有理由相信佢因為朝頭早，俾我哋話咗佢兩句，佢報復返喺我個仔身上，佢亦都是涉嫌虐兒」。他向網民查詢如何控告該外傭疏忽照顧兒童及解僱程序。
網民：刑事嚟，唔係解僱咁簡單
有網民看到帖文後表示﹕「真係非常之心痛，希望BB早日康復。」有人更指：「我頭先將呢張相俾咗姐姐睇，我姐姐話如果抱住BB，唔會可能咁樣整親隻手，我屋企個姐姐覺得你姐姐係咪專登？如果啲粥真係淥親嘅話，姐姐隻手應該都會受傷，太過分BB隻手好細好心痛。」
更多人留言促請事主立刻報警：「報警！！即刻報警！！！！」「直頭報警啦，一歲小朋友要受呢啲苦。」「刑事嚟，唔係解僱咁簡單。」「你宜家要即刻報警，因為依個係非常嚴重嘅虐兒罪行」。
43歲女傭被捕 BB證實為二級燒傷
有消息指，警方昨日（5日）接獲報案，經調查後，同日在馬鞍山以涉嫌虐兒拘捕一名43歲菲傭，現正被扣留調查，案件交由沙田警區刑事調查隊第六隊繼續跟進。至於男童則被送往沙田威爾斯親王醫院治理，證實為二級燒傷，經治理後已出院。
