發佈時間：09:00 2026-09-05
有「至索經理人」之稱的林寶玉（Connie），發展越來越順。三年前，她在歐洲簽了經理人公司，促使她不停遊走當地。不過，向來孝順的Connie坦言：「媽咪之前成日陪住我飛來飛去太辛苦，所以我諗住多啲留喺香港，多啲陪佢。」
現時主要做模特兒工作的Connie，在港則以自由身接工作，她直言：「𠵱家喺香港主要係我自己接job，因為我做番自己嘅經理人，人哋搵我做嘢，直接傾價錢，唔使咁複雜，其實留喺香港都好多工作。」
早前，Connie就接下了一個歐洲遊艇廣告，需要拍14天，於是她索性安排多一星期的行程，順道放假休息一下，她笑言：「香港嘅工作一個接一個，我真係唞唔到氣，難得今次可以去歐洲鬆一鬆，我仲叫咗好姊妹同我一齊去。」不過，拍攝過程亦相當考驗毅力，她透露：「今次個廣告我換咗7套泳衣，全部都係喺遊艇拍攝，最辛苦就係太曬，啲皮膚都差啲曬到全身出疹。」完成廣告拍攝後，她隨即與好姊妹留在當地充足電，然後再回港搏殺！
一口答應
忙到喘不過氣的Connie，近日突然宣布成為郭富城舊愛姚正菁的經理人，不禁令大家產生疑惑。對此，她坦言：「我覺得呢項工作好有挑戰性同埋好有滿足感，當其時老闆Sam哥（「印刷大王」鍾強華）同我講，想將佢嘅契妹（姚正菁）重推市場，睇吓我做唔做到。咁我本身同菁菁都好熟，覺得呢個女人好有味道，又有性格，所以就一口答應做佢經理人。」「索」經理人加上「正」藝人，還有「強」老闆，這個鐵三角組合冇得輸！
Profile
姓名：林寶玉 英文名：Connie
年齡：36歲
三圍：34”D 24” 35”
身高：166厘米 體重：106磅
藝歷：2008年參加工展小姐獲得亞軍；2020年參加亞洲小姐獲得「網絡人氣獎」及打入最後五強；曾參演電影：《我的筍盤男友》、《被消失的兇案》等；曾參演廣告：信和集團、雀巢、迪士尼、AXA 等。
