更新時間：18:18 2026-08-31
發佈時間：18:18 2026-08-31
發佈時間：18:18 2026-08-31
前「空姐之花」史穎喬，因世紀疫情而失業，於2020年參加無綫舉辦的《衝上雲霄大選》，雖然未獲任何獎項，但就成功入行。輾轉出道6年，剛於今年初約滿，她毅然決定離巢，現時已簽約新經理人公司，重新出發。由空姐轉型做藝人，她坦言︰「細個都有戴住膠皇冠、攞阿爺支柺杖扮港姐，到讀碩士時，因課程有涉及電影、藝術範疇，我有份功課更要拍嘢，做埋女主角，體驗過之後，就對演藝工作萌生咗興趣。 」
在無綫的日子，史穎喬拍過不少劇集，包括在處境劇《愛•回家之開心速遞》中，飾演劇中劇《渣流灘》的女主角「Michelle」；《新四十二章》中的「夏竹姬」等，她分享說︰「《新》劇係自己第一套正劇，嗰次學到好多嘢，見到龔嘉欣一拍喊戲，一roll機就有眼淚。另外，即使鄭子誠滴眼藥水拍喊戲，啲眼淚都可以『瑯』住喺眼內，控制自如，好精準。另外，鄭子誠亦有教我講對白時，要着重語調、磁性，好有用。拍劇後，都有觀眾喺社交平台留言畀我，都好開心有人留意。」
不過，現實歸現實，史穎喬為追夢，也有所犧牲，她直說︰「父母傳統，唔理解呢行，唔支持我。而經濟方面，我一直有兼職為學生補習、做文書工作來維持生計，加上簽咗新公司，都畀到家用屋企人㗎。我會努力，都有做埋司儀，稍後想拍多啲劇同節目。追夢有價，我知呢行倖存者唔多，但演藝工作令我開心，亦係我嘅人生意義，我冇設限期，會一直撐到底！」
Profile
姓名 ︰史穎喬
英文名：Clementine
年齡 ︰30歲
身高 ︰167cm
體重 ︰50kg
藝歷 ︰在國泰任職空姐一年後，因疫情被裁員，她於是參加《衝上雲霄大選》，縱使未有名次，仍獲無綫簽約成為「親生女」。曾參演劇集︰《愛•回家之開心速遞》、《新四十二章》、《飛常日誌》系列、《死有對證》（未出街）等。
最Hit
