發佈時間：08:30 2025-03-02
唱歌無師自通的「大隻仔」涂家堯，因參加第1季《中年好聲音》，並打入9強而聲名大噪，兼由婚紗銷售員搖身一變成為歌手，繼而推出個人作品，又狂接商演，去年更舉行個人迷你音樂會，成功追夢！
雖然涂家堯現時是單身，但就不愁寂寞，因為他育有5隻愛貓。日前，他大方公開位於太子的寓所，一男跟5貓共住，縱使每日要細心打理一眾「主子」，但他仍樂做「貓奴」開心咁話︰「佢哋好sweet，瞓喺你心口時，感覺好幸福！」
旺中帶靜
現年41歲，外號「大隻仔」的涂家堯，原先在家族經營的婚紗店擔任婚紗銷售員，但因自小熱愛唱歌，在家人和朋友的鼓勵下，遂報名參加2022年的第1季《中年好聲音》。縱使他從未正式學過唱歌，但天份奇高，在比賽期間曾被喻為「最強黑馬」，結果打入最後9強。
賽後，涂家堯毅然決定做歌手，但卻沒有與無綫簽約，而是獨自勇闖歌壇，繼續追夢。入行兩年多，他的演藝工作接踵而來，除了推出新歌之外，又狂接登台、商演，去年還舉行首個迷你音樂會等，難怪去到邊都有大堆粉絲追隨。
由素人搖身一變成為歌手的涂家堯，自跟前妻分開後，便租住太子一個300多呎的單位。內置兩房一廳，一房用作睡房，另一房則作直播間。日前，他大方展示其獨居生活，但絕不孤單，因有5隻愛貓共住，還經常圍着他團團轉。他細說︰「我住開呢區，細個時住過又一村，後來屋企人住太子，我咪住埋附近。呢度旺中帶靜，樓下好多嘢食，好方便。呢5隻貓，我當佢哋係仔仔女女咁，好開心！」
甘做「貓奴」
涂家堯的家居布置簡約，但周遭都見貓的東西，例如：貓畫、貓咕𠱸、貓公仔等，而5隻愛貓也自由奔放地在家中遊走。他直認自己是愛貓之人，8年前行經寵物店，跟一隻貓對望後，自此便結緣，跟着抱回家，並取名Biubiu，可惜牠不久因腹膜炎離世。哭貓喪之餘，他還深受網友的啟發：「應該把對牠的愛延續下去。」故他隨即實踐，養貓的數目越來越多；此外，每隻貓的問題，他都會全部記在心上。
涂家堯自言工作以外，最愛留在家中當「貓奴」照顧「主子」：「每日要安排佢哋飲食、食藥、吸塵、梳毛等，每次臨出門，我都要檢查有冇關好門窗，避免佢哋出咗去。由於我有哮喘，啲貓會甩毛，所以我要長期食敏感藥。（咁你仲養貓？）我對佢哋好有愛心，領養得佢哋返嚟，都知佢哋有問題，雖然動物嘅醫藥費唔少，養佢哋仲貴過自己，但我想佢哋喺生命終結前，都有主人錫。」
他續說：「我對佢哋5隻一視同仁，一樣咁錫，因為佢哋好sweet，瞓喺你心口時，感覺係好幸福！我試過工作期間，超級掛住佢哋，咪開cam望吓。每日返屋企，一見佢哋就好滿足，好療癒。」
多元發展
現時全力發展歌唱事業的涂家堯，因為要推出新歌，以及購買化妝品和添置服裝，支出不少，他坦言︰「收入仍未夠搵食，都要用積蓄幫補。」所以他仍有替家人打理婚紗生意；另外，他去年投資了6位數，於尖沙咀開設日式居酒屋做老闆，增加吸金來源。
力不到不為財，涂家堯也定時定候返居酒屋巡視業務。幸好，與婚紗店同一條街，他便免除舟車勞頓。當晚餐廳舉行吞拿魚之夜，客似雲來；而貴為老闆的他，滿場飛不停跟食客交流和打招呼，非常落力！
對於新一年展望，涂家堯直說︰「雖然我冇簽無綫，但我哋關係好好，因我想挑戰自己，今年會計劃出3首歌，今個月會錄音，內容係關於抑鬱症，會同一間音樂娛樂公司合作投資。呢個project都大嘅，另外一首歌，則由伍仲衡幫我寫。我做咗歌手後，對自身的歌藝有要求，所以向韋綺姍拜師做入室徒弟，為自己增值。我媽媽好開心我成為歌手，因為佢想做星媽，希望我父母都proud of me。」
延伸內容：《中年好聲音》支嚳儀撐涂家堯做老闆 誘力十足成中佬殺手
延伸內容：涂家堯因「為食」而開居酒屋 無懼蝕錢有意再開店擴充版圖
《東周網》訪談系列節目《星桄伴我心》2月重磅嘉賓：
即睇：七仙羽被鬧神棍 爆喊剖白被欺凌 : 個個都笑我騎呢！
即睇：林盛斌Bob曾當選「我最討厭藝人」冠軍，被踩是垃圾 正能量反省：我做錯咗咩嘢？
即睇：李珊珊罕談舊愛錢嘉樂 剖白患驚恐症瀕死感覺 : 我會活好呢一生!
即睇：朱慧敏第二胎B仔出咗世啦！分享懷胎湊B心得 收蘋果批做結婚周年禮物 又喊又笑講「愛的宣言」
