發佈時間：14:10 2026-05-03
養貓不絕育過度繁殖造成的嚴重後果屢見不鮮，日前救援組織愛貓日子Lovecats Every day收到一宗求助個案，父女2人3年前開始養貓，但因為沒有絕育，結果3年間由4隻貓變成25隻貓，除了居住環境狹窄不夠活動外，貓咪打架、貓公噴尿令屋內充滿臭味，鄰居投訴，最後女兒向義工組織求助，義工到場了解時場面也令他們吃驚。
愛貓日子今日（5月3日）在面書發佈一宗因為沒有絕育過度繁殖引致失控的求助事件：
「近日收到一個女仔嘅求助，佢同爸爸三年前開始養貓，當初只係四隻，本來只係單純想有貓咪陪伴。但因為一直未有為貓咪安排絕育，出現繁殖情況直至開始慢慢失控——短短兩三年間，數量已經增加到約25隻。」
從上載的短片中，求助女兒向義工稱初時飼養4隻貓，當中有3女1男，之後再領養一隻男貓，全部沒有絕育，任由貓貓自然繁育，情況很快失控。
貓咪四處便溺 屋內瀰漫刺鼻氣味
「我哋今日上門視察，眼前嘅畫面令人擔憂。
單位空間不大，貓隻數量過多，已超出負荷。即使主人有清潔，仍難以應付未絕育貓咪因爭地盤而四處便溺嘅問題。空氣中瀰漫住刺鼻氣味，生活環境惡劣，求助人爸爸甚至只能長期瞓喺充滿小便的梳化上。
部分貓咪已出現感冒症狀，而我哋亦觀察到有一兩隻母貓已經再次懷孕。這樣的生活狀態對於貓咪和人類都是極度惡劣的。」
徵求物資及暫託家庭
對於這種惡劣情況，愛貓日子會協助為貓咪安排絕育手術，並逐步安排醫療、暫托及重新尋家，希望可以盡快停止過度繁殖情。
愛護日子位置有限，急需大家幫手，急需物資：
• 貓籠（ 3呎/3呎半）
• 飛機籠
• 暫托家庭
如可幫忙可到社交網頁聯絡
「每一個籠、每一個暫托位，都可以即時改變佢哋嘅處境。」
愛貓日子亦呼籲所有養貓人士：
［請務必為貓咪絕育］
不絕育帶來嘅，不止係「多幾隻」咁簡單，而係無止境嘅繁殖、疾病、壓力，同最終無法承受嘅生命負擔。
絕育，係對佢哋最基本嘅保護
希望大家可以幫手分享，讓更多人知道，亦讓呢25條生命，有機會重新開始」
貓咪繁育速度驚人，母貓一年可以懷孕3次至4次，以每次誕下2至4隻貓咪，一對沒有絕育的男貓女貓，加上他生下來的貓咪再度繁育，一年內隨時可以繁育出數10至百隻貓咪。
