發佈時間：17:46 2026-05-01
HKTVmall早前因王維基自爆母公司香港科技探索進行「頭身分離」動物實驗，而令一眾愛毛孩網民震怒，繼而掀起一陣罷買刪app潮，但昨日一位貓民發帖稱讚HKTVmall送貨員哥哥，令愛貓幸保不失，得到網民大讚，有機會趁此挽回名聲。
昨日（4月30日）在社交網站threads有帳號名為Jasper的網民發帖向HKTVmall送貨哥哥致謝：
「我點都要出第一篇Threads去感謝HKTVmall嘅送貨大哥
事源今日返返吓工，送貨大哥打電話嚟我以為係一般送貨通知，就話叫佢放門口先，
點知大哥話：啲貨就等陣先，你屋企隻貓出咗嚟喎
嚇到我彈咗起身，即刻聯絡屋企人
原來係屋企人入屋放咗佢出嚟又唔知真心好多謝你呀善良嘅送貨大哥！
令我第一時間發現走失貓邊個話香港人冇愛心
希望呢篇可以飄出去俾送貨大哥睇到
（補充：返去同屋企人對質咗大半個鐘＋攬住隻貓半個鐘）
帖文並貼上幾乎走失的愛貓，大家都讚愛貓好Q，成個煤氣罐一樣咁肥！
對於帖文主題講及的HKTVmall送貨員暖心舉動，更是得到網民熱烈留言稱讚：
「咁大單，啲貨真係可以等陣先」
「hktv mall啲哥哥全部都好好人」
「試過係送貨姐姐，我幫手搬貨入屋佢仲話好重叫我唔好搬，明明大家都係女」
「真係好好，送貨交收其實可以擺門口等我自己拎入去，但係佢地一定做多一步放埋入嚟等我唔使抽起過門檻，超級好。」
「hktv同SF既送貨哥哥都好有禮貌好nice」
近數星期因母公司香港科技探索進行動物實驗而遭抨擊的HKTVmall，公關小編見到有人讚，立即留言跟進：「我係HKTVmall 的Ricky Wong. 可唔可以俾張單number我？我想讚下同事」
送貨哥哥現身 是3貓奴才
有網民亦留言建議：「王生，你地送貨班同事係世一，要加人工，要買保險加福利。但個平台真係愈攪愈唔friendly，下下彈個乜撚街市出黎阻住晒」
未幾，這位暖心的送貨員argus_ch亦出現留言多謝樓主的致謝：
「Hi，我就係送貨嗰個啦，我自己都有3隻，而且之前隻貓都走失過，所以明白個心情嘅，何況佢咁可憐望住我我都唔忍心就咁走咗去啦谷，我見佢縮係門邊，個門牌又有個貓圖案，所以估應該係呢家人，至於大家好關心嘅獎勵問題，公司已經通知左我，多謝老細。」帖文並付出自己的3隻愛貓相片。
資料：jasper.chan_@threads、angus_ch@threads
