發佈時間：18:28 2026-01-28
救援停不了的一人救援組織「小玉谷」，昨日（27日）從愛協診所接出一隻疑被車輾過的小黃貓，送到相熟獸醫診所治療，獸醫詳細檢查後發現傷勢嚴重的小貓，需要進行工程浩大的接駁及重建骨骼手術，術後或需要住院最少三個月。估計手術費加上住院費近10萬，義工希望善心人能幫幫這個小可憐渡過難關。
受傷的小橘貓改名叫「路飛」，約4個月大，從照片中可以看到這位眼仔碌碌的小可愛十分漂亮，然而看清楚牠的下肢已經變形，因為牠疑被車輾過雙腳。
傷勢嚴重 昨日早上從愛協接出
小玉昨日在面書專頁發帖說：
「今日喺愛協接出黎既小BB，幫佢改左名叫路飛。
路飛係尋日傍晚俾地盤工人發現全身污垢癱瘓喺地盤路中心，估計佢因為天冷匿車底所以俾車轆過。
當時工人將佢執起放到安全位置後，現場人士只識得搵愛協，唔知有其他救援機構，所以路飛就俾愛協救走左...
之後我接到另外工地人員求助，原來佢咁啱放假但收到消息，有同事將重傷貓貓交左俾愛協，怕貓貓會被愛協人道毀滅所以四處求助，希望有人可以救返佢出黎。
我於傍晚接到求助後立即聯絡愛協，希望可以提早將路飛接出來醫治（免去等待4日報失期）。
終於今早（27日）愛協聯絡我，因為貓B情況十分嚴重，兩隻腳都斷哂，所以可以特別通融盡快接走繼續治療...」
小玉接路飛回到相熟診所檢查後，照X光發現路飛左邊大腿骨從中間斷開，右邊大腿骨近膝關節位置斷開，小玉大歎「陰公豬痛死BB喇...」，不幸中的大幸是脊椎沒有斷開，獸醫助護幫路飛放尿時發現牠可以自己排便。
獸醫助護將X光片轉外科醫生Dr.Max研究，初步認為左腳接駁手術比較容易，但右腳因為太近關節所以要細心研究如何處理。
左腳打骨板/螺絲固定 右腳用骨針加外固定
今天，獸醫經過詳細評估及研究，制定手術方案，但工程卻十分浩大。
小玉轉述獸醫治療方案：
「呢粒路飛豬都真係大大鑊。
醫生睇完X光片，話佢基本上左腳可以打骨板/螺絲固定，但右腳比較嚴重斷在太下面太近關節，只可以用骨針，後續要配合外包紮限制運動，視乎恢復進度，包紮時長可能兩到三個月，如果沒癒合有機會要做全關節固定或甚至截肢。
雙腳手術仲等緊報價單，左腳駁骨手術+右腳骨針固定手術，希望可以五萬蚊就做到😖(假設會好反唔使截肢)，但後續因為仲要住院至少三個月，住院期間要經常換包紮及持續觀察復原進度接骨狀況，所以後續醫療估計再需要5萬。」
小玉呼籲善心人能幫幫這位小可憐的治療費用。如可幫忙貓地醫療，可將款項存入以下戶口：
新FPS
123893067
沒有Payme
渣打銀行
40919951538
Tsang Hxxx Yxxx
入數後請截圖通知小玉，做返記錄。
