發佈時間：15:12 2026-01-13
養任何動物前都應該細心考慮清楚及做好家居安全措施，但近日就有寵物店推出出租貓咪計劃，呼籲無需考慮，付$800可以在一星期內試養貓咪，並形容為「超暖心」行為。大批網民狂轟這種促銷手法，將年幼免疫力弱的貓咪直送到客人家中任玩，除了有機會被不善對待，甚至被虐待，如客人不合意退回貓咪，貓咪又要再去第二個家庭，在頻繁轉換環境下貓咪患病機會大增，其中傳染性腹膜炎或尿道炎可以致死！
昨日（1月12日）一家寵物店在社交網站發帖：
「仲猶豫養唔養貓？
XXX推出超暖心『一星期上門試貓・體驗成為家人』計劃～
我哋將合你眼緣嘅貓BB+全套入屋套裝，直接送到你屋企！
一對一上門教你照顧、餵食、幫貓咪適應新環境～
•
7天試養期後，你有兩個幸福選擇：
成為家人 → 自動變成60天健康保證買賣合約
保證金$6,500全數豁免！毛孩正式成為你
屋企一份子♥
結束體驗→歸還後退回$6,500
•
一星期試貓體驗費：$800
上門送貓費：港島$300/九龍$400／新界
$500（自行到店免費）
•DM我哋預約你嘅「試貓家庭」啦！
限量名額，先到先得～」
該店舖自稱短腿貓舍，專出售拿破崙/曼基寶寶。
網民狂斥店主將貓咪當玩具
有養貓的網民看到此帖後都嘩然，紛紛留言狂轟：
「你當貓係咩玩具啊？
冇貓網跳左樓點算，
係咁轉環境fip尿閉點算你有冇多少常識？
「係咪痴線架，咩Q野暖心計畫啊！
做生意做到咁冇良心！」
「係咪痴線，貓去新地方已經會驚要適應，仲標榜可以換嚟換去。想知所謂乂有牌係點申請返嚟？」
「CLS諗出嚟嘅人係咪有病？？？
你生咗個B出嚟係咪都要輪流放去唔同親戚屋企一星期體驗下？？？」
「試乜撚嘢呀？貓面對新環境就產生壓力，佢哋唔係商品玩具呀，試試試，試唔啱又退嚟退去呀？你唔撚拎你老母出嚟俾其他人試？」
「賣貓已經夠仆街㗎啦，
你個HGC仲諗到拎啲貓俾人試鐘」
最擔心出租貓咪因此而病發
「貓係一種好撚敏感嘅生物⋯
換地方住閑閑哋都一兩日唔食嘢
平時一個唔開心就我病啦G
唔好彩FIP就果頭近
咁樣應該 count 做另類虐貓⋯.」
「Breed 短腳已經有撚病 仲要玩埋租貓
真係痴撚線！
雖然講左好多次 其實漁署真係唔會
care 依啲寵物店
咩突擊檢查其實都係會預先同佢地講」
「培育基因有缺陷嘅貓先租後賣我諗愛貓網民都可以承諾你三樣嘢
- 每月漁農處突擊檢查
- 每日有心網民電話問候進度
- 每分每刻Food Panda Keeta 無限外賣代訂送上門。」
「你哋係咪真係愛貓架…..知唔知道貓好驚換環境會好焦慮架」
「賣曼基 祝你早日破產 賣咩衰咩老
左成身病」
「痴孖筋 當隻貓係電視機咩一星期體驗唔岩就退貨！？」
曼基貓和拿破崙貓的隱疾
拿破崙貓（Napoleon Cat），是一種結合了曼基貓（短腿）與波斯貓（圓臉與豐厚毛髮）特徵的品種。外表可愛性格黏人，然而卻有不少健康隱患，牠屬易胖體質，過重會增加短腿關節的壓力，需嚴格控制飲食並規律運動，由於有波斯貓血統，有機會遺傳骨關節炎與多囊性腎病（PKD）
而曼基貓（Munchkin cat）又稱曼赤肯貓、短腿貓或臘腸貓，其短腿是由基因突變成，你覺得他斷腿很可愛，其實他背負着極大的遺傳性疾病風險，第一是脊椎問題，容易患有脊柱前凸（Lordosis），可能導致脊髓受壓。其二是關節炎，由於短腿結構，年老時易出現關節磨損與慢性關節炎。其三是胸腔凹陷（Pectus excavatum）或多囊性腎臟病（PKD）。
正因為曼基貓的健康風險與基因缺陷，部分國際貓協（如 CFA、GCCF）至今仍拒絕認可此品種。而拿破崙貓由波斯貓及曼基貓交配飯食出來，所以亦有機會帶有此兩個品種的遺傳性疾病。
