發佈時間：20:02 2025-12-31
在2025年最後一天，救援也無法停下來。小玉谷今日中午接到求助，指有一隻金影英國短毛貓在馬路上爬行，馬上救起向義工求救，結果由小玉谷接手並立即送到醫院救治。疑被車撞的貓貓後肢無力，希望不會從此癱瘓。
小玉谷在今日（12月31日晚上7時在面書發帖：
「今日下午食緊飯時就見到呢個求助...
求助人喺元朗崇正新村與大樹下東路交介既馬路中間見到佢喺度爬行，即刻執起再出post尋主人。
當時貓貓一對後腳軟弱無力，只用前手在馬路中爬行，懷疑俾車撞過。
聯絡後求助人決定交貓貓俾我醫左先，於是就請佢地盡快帶去新界北診所。
暫時還在檢查中，稍後會再update，後腳冇力希望唔好係斷乜斷物啦。」
小玉谷希望大家能幫忙醫療費：
「懇請各位幫忙大頭金的醫療費
如可幫忙貓地醫療，敬請將款項存入以下戶口，感激各位幫忙
新FPS
123893067
沒有Payme
渣打銀行
40919951538
Tsang Hxxx Yxxx
入數後請截圖通知我，我需要做返記錄吖
感謝大家的支援」
10位住院院童望資助醫療費
目前小玉谷有多隻獲救動物留院超過十隻，希望能夠盡快出到才可以尋找領養家庭。惟留院費用高昂，大家如有能力捐助，可循以上途徑捐款。
以下是11位住院院童情況：
1. 大聲公軍地兔仔：今日醫生幫佢隻右手做左個支架頂住，等佢隻右手唔會因為要支撐全身重量而受到太大壓迫影響康復，而家啲傷口係明顯地好轉中既，當然仲係爛但起碼睇到希望有機會唔使再截肢，好感動
2. 嘮嘈元朗黑白仔：精神胃口非常好，眼仔情況唔知係咪幻覺，好似好左丁丁咁..
3. 古洞爛屋FIP Pansy：繼續嗲繼續乖乖，肯食嘢不過都係要人餵先食得夠
4. 被棄養布偶Kelorlor ：那一對畸形腎導致的腎衰竭，經過長期住院調理之後，腎指數keep住係2xx，算係好事，不過都係因為冇位所以返唔到來
5. 菜田貓二哥：因為血液免疫系統病，長期HCT最多20有時低到得13，打造血針B12過幾日又上返18.20 ..都冇乜佢辦法，都係長期住院Mon住黎吊命，近日胃口反覆，今日好返啲會自己食。
6. 上水爛面大膽妹：傷口已經好返7788，原本有條鼻喉餵藥，不過今日自己整甩左，試過就咁餵都食到藥，就唔再放喉了，而家仲爭啲蘚未清，再好少少如果貓舍有位就可以返家休養。
7. 主人棄養FIP妹妹：情況穩定，繼續口服藥治療，等位回家
8. 乖乖：今日傷口分泌多左，有少少味，醫生幫佢清理左一次皮膚表層等佢可以回復得好啲，總括係一直好轉中，繼續努力
9. 大舊：食欲時好時壞，腎指數都仲未靚仔要吊多兩日水再驗血
10. 阿Meow：呢排都識自己痾屎唔使人幫，尿就冇辦法啦仲係要人手放，有冇識照顧要放尿貓既好人可以接佢出院？
11. 艷艷：都係長期住院吊命，要全天候人手餵食打水照顧
