發佈時間：11:47 2025-11-13
寵物保險近年大行其道，然而有寵物主人在買了保險後，愛寵求診後索醫療費疑因保險公司更改條款而被拒絕賠贘，在社交網站threads上發文提醒各寵主購買時要小心！另有寵主回應指貓貓只是cat-flu卻被寵物保險公司評為哮喘長期病而拒賠，亦有寵主的愛寵去世後仍被要求繼續繳付當年保費，叮嚀家長購買前一定要睇清楚條款。
11月12日，一位帳號名叫Natalie的脆主發文：
「One xxxxxx 警世文🥹
今次係我冇睇清楚t&c
導致我隻狗仔claim唔到保險
2024年我隻狗仔確診心臟病
需要每三個月複診一次
需要長期食藥
one xxxxxx將佢納入為”慢性疾病”
2024年佢所有複診檢查同埋藥費都claim到
而人類嘅醫療保險一般都係成功投保之前未確診
確診後續保都唔會因為咁樣而變不保事項
但one xxxxxx 2025年九月份續保renew咗
原來已確診嘅慢性疾病就會變咗不保事項😫
而家硬着頭皮繼續俾緊佢加咗嘅保費
但係咩都claim唔到⋯⋯」
「因為今個保費年度未claim過
所以one xxxxxx俾我cut咗佢！
下個月開始唔需要再俾保費
我諗住將每個月應該要俾嘅保費x1.5-2
放落派息基金幫狗仔儲起啲錢
Touchwood將來有啲咩大病可以攞出嚟用
多謝咁多位嘅意見
如果大家買過邊間公司寵物保險係覺得好嘅please share!!!!」
被判慢性病病無得賠
有脆友留言：「我哋都係受害人
投保時嘅明明T&C冇寫癲癇係不受保
點知續保後T&C改咗 癲癇變咗做不受保
Cls 正常係冇可能投保後改T&C的，好唔道德」
另一脆友留言：「我隻貓仔感冒，佢就話係哮喘慢性疾病幾百蚊都唔claim。我係買最貴個plan的，利申我隻貓而家超級健康! 」
另一脆友留言指：「Exactly the same case🥲🥲
我隻大貓都係肥厚心肌病，比佢定義為慢性疾病，結果每次覆診嘅診金連藥連果次睇嘅其他唔舒服野都冇得claim
如果要令到佢claim到，可能要單獨帶佢睇心臟以外嘅病，再要醫生獨立寫番佢今次睇邊度唔舒服，再睇下可唔可以claim（我係冇咁做過的，弱智🥲）
但貓貓同人唔同，岀街已經會好驚好緊張，邊有可能咁樣分兩轉睇醫生
結果我都係嬲到cut左，自己儲基金算，因為每年超聲波Xray覆診都係固定支岀🥲🥲
希望大家嘅仔仔女女都健康，唔會比xxx xxxxxx呃錢🥲。」
續保時被大幅加保費
另一有同類經歷的脆友留言：「我隻貓2024年有骨軟骨疾病 成個2024年都claim到 跟住2025年renew嘅時候 我冇特登留意佢份約係點寫 因為佢都加咗差唔多成$5000
咁我覺得佢都係長期病㗎啦 唔會一日半日好得返 本身諗住仲喺個保險範圍裏面應該claim到 點知claim唔到 原來佢Exclude咗我個病…
即刻取消 頭兩個月冇咗都冇辦法 但佢仲有Admin fee… 其實都好過分 佢唔係加得少個喎 真係當人水魚咁 總之就唔推薦。」
前員工路過揭開真相
對於買了保險而得不到賠贘的苦主，大家都表示同情時，一位自稱寵物保險公司前員工的脆友路過留言：
「前員工路過一問
你隻狗仔投保嘅時候係唔係滿五歲？
五歲後投保嘅話
慢性病只係包第一年
續保之後就冇得claim
如果買嘅時候四歲或以下
就可以繼續保
呢個條件我做咗幾年都係咁
應該冇改到」
之後帖主Natalie回覆：「投保嘅時候啱啱滿五歲🥹
我係六年前投保嘅 」
前員工脆友回覆：Onexxxxxxx 2020年4月開始賣保險
可能有啲太耐記錯咗啦
咁滿5歲之後投保就的確係只會保慢性疾病發現嘅第一年
建議唔鍾意經紀而自己上網投保嘅主人都記得投保之前自己睇清楚條款🙏🏻
因誤會而取消保單事少
醫療費太貴而失去預算事大～」
寵物去世 仍需繳付當年餘下保費
另有脆友提醒：「佢仲有條T&C要小心留意，寵物離世如果有claim過，取消保險要俾哂餘下落嚟嘅保費😤仲要一次過收！」
小編都提醒各位有意購買寵物保險家長，記得購買前清楚細閱條款啊！
