發佈時間：17:57 2025-10-11
張繼聰是愛狗人士，除有工作外，日常每天都會親自放狗。昨日張繼聰在社交網站發帖，指下午工人姐姐帶Sparky仔散步，突然有隻狗衝出來想襲擊姐姐。事後才知道，原來有人沒鎖好住所大門，讓狗狗有機可乘從家中偷走，期間遇上帶着Sparky散步的傭人姐姐，Sparky為了保護姐姐，最後被惡犬咬到身上有幾個血洞。
傭人姐姐告知張繼聰後，他立即帶Sparky去醫院…對此大呼「肉赤」！
「唉…主人嘅責任就係好好喺公眾地方睇住自己嘅狗仔
希望呢啲事永遠都唔好再發生」張繼聰在IG說。
帶愛犬沙灘散步受批評
為保護傭人姐姐而受襲的Sparky是一隻標準貴婦狗，是張繼聰於今年4月24日領養，當天他在社交帳號發佈增添新家庭成員好消息：
「今日辦好領養手續，我哋就將呢位三個月大嘅小朋友帶回家⋯」
自Sparky加入成為張新成員後，張繼聰和太太謝安琪由原先的貴婦狗Choco、Luffy及唐狗晶晶的一屋三犬陣容變成一屋四犬。之後Sparky成為張繼聰社交帳號寵兒，經常見到牠和阿聰或謝安琪散步的身影。八月時阿聰就帶Sparky漫步沙灘，並將相片上載到社交網站，但就惹來不少質問之聲，包括問他是否只帶Sparky出街，而冷落了其他三隻狗，又擔心烈日下，地面熱過火爐，可會令狗狗腳掌受損。
對於網民的質疑及批評，向來不會任由責罵的阿聰火速回應，笑言每次分享狗仔散步相，都有糾察隊嘅朋友留言，為此他統一回應：「講一次，我每朝八點起身，出發前一定會摸地下溫度，揀一啲有樹蔭嘅路，時刻留意小狗嘅反應，隨時補水，散步三十至四十分鐘，返屋企。過咗九點就唔會行，怕溫度太高。就算每日工作幾繁忙，都好享受每朝起身同小狗散步嘅時間，我覺得咁樣係我哋開始每一日嘅重要儀式。接觸大自然，會得到好大嘅力量。」
呼籲狗主負謹慎看管責任
阿聰一家愛狗之心毋庸置疑，照顧愛犬亦不會大意，平日除了有工作霸佔時間外，他每日早上八時一定會親身放狗，而下午就會由工人姐姐逐一帶狗狗散步。今次Sparky無辜受傷，相信很多狗主都會感同身受，希望各位狗主都嚴謹看管自己的狗狗，無論是走失，或是在外令其他人狗動物等受傷都不應該！作為飼主，必須遵守謹慎飼養責任！
立即追蹤《東周刊》全新WhatsApp頻道，緊貼全城熱話、突發猛料、獨家消息！
https://bit.ly/4gnvlZf
