發佈時間：11:00 2025-08-14
毛孩主人要離港而暫時無法照顧動物實在無奈，唯有交朋友或送到狗貓酒店照顧。昨日有一位狗主叫Kc Ck Kahc在Facebook西貢尋狗群組「Sai Kung-Lost Found Injured Animals /西貢區-遺失、拾獲或受傷動物群組」中，發帖希望網民幫忙留意及提供失蹤愛犬的消息。
3歲忌廉色短腳金毛尋回狗女
狗主發文：「我隻狗叫做Bailey ，女仔 ，差唔多三歲，係淺忌廉色丶短腳金毛尋回犬 打左晶片，身形都好肥。
由於我需要離開香港所以交託Bailey俾朋友暫時照顧，但係後來因為其他問題同朋友不和，所以佢將隻狗放咗去寵物宿舍之類嘅地方。」
寵物宿舍場主多番要求付款
「佢不停叫我俾錢，但比完錢冇兩日再要俾錢，佢話唔俾錢就會送走我隻狗。三月我返香港想接返bailey ，但係個（寵物宿舍）負責人已經冇回覆 ，不停嘗試搵都搵唔到 。
後來得知嗰個負責人俾人拉咗，同我不和既朋友話送咗啲狗仔俾狗義工接走咗去做領養 。
呢段期間負責人都冇任何回應(呢段時間期間佢本人係有上過線)，我打咗俾佢間公司，佢話金毛俾送走。
所以我想喺度問吓有冇狗義工或者任何人接觸過Bailey🙏🏻🙏🏻🙏🏻如果你是買了Bailey ，我求你俾返我，佢係我命根。
所謂寵物酒店其實是貨倉
狗主的尋狗貼文亦有英文版，英文版中提及，他多番嘗試尋找寵物酒店負責人，包括致電該寵物酒店公司，其後才知道他因為被捕而所有狗狗交慈善團體接收，而這個所謂的寵物酒店，只不過是一個貨倉，裏面住了5至10隻狗，而當中只有Bailey失蹤，狗主估計對方不是賣了Bailey，就是不慎讓Bailey走失。所以他希望如有人買了Bailey，請將狗狗交回給他。」
網民留言指要報警
主的貼文一出，大批網民留言，其中不乏建議他報警的意見，亦有責備他太不小心，不應將狗狗交予不愛狗狗的朋友照顧。
以下是網民留言：
「有冇打去漁農處報失？
以你講嘅情況⋯其實可以報警！」
「你報埋東張話比人攞咗隻狗，而家下落不明，希望多啲人睇到」
「係命根點解一開始交比朋友照顧？點解慳個少少錢，唔直接交比狗酒店？」
狗主回覆：「唔係慳錢，佢原本幫我睇住我啲貴婦同金毛，我唔想分開佢哋，但之後佢話隻金毛太大…．」
「你一定睇得少，好多揾朋友暫托都出事，呢D情況都唔係第一次發生，唔兩隻分開，也可以兩隻一齊入狗酒店，也可以同一間房。」
「絕對不應該隨便將自己隻狗给一個不能信任的朋友，狗仔不懂說話，被人虐待都没法為自己發聲」
「直接報警啦，唔好等，網上出帖人地唔會比返隻狗你」
如大家有任何狗狗Bailey的消息，可直接到以下連結留言或直接pm狗主
