更新時間：15:00 2024-07-18
發佈時間：15:00 2024-07-18
發佈時間：15:00 2024-07-18
今年71歲的「金牌綠葉」駱應鈞，年輕時已對演戲有濃厚興趣，1973年考入邵氏的第3期演員訓練班。兩年後，他再投考第5期無綫藝員訓練班，畢業後便開始拍劇。在演藝界打滾半世紀的他，曾參演多套經典劇集，當中《射鵰英雄傳》的「東邪」黃藥師一角最深入民心。2011年，他離開效力逾30年的無綫加盟港視，至2015年再轉戰內地吸人仔，除了繼續演戲之外，他還參與商演及做直播帶貨。
好景不常，在2019年初，駱應鈞因一次心臟檢查，而發現有腎石問題。由於擔心年紀大會令病情惡化，他最終入院進行兩次繁複的手術，並先後留院40多日，休息了足足4個月才完全康復。大病過後，他曾表示感到世界突然停下來：「嗰段時期有啲工作接唔到，亦都費事同人解釋發生咩嘢事⋯⋯但都無所謂，既然啱啱做完一個手術，咪趁呢個時候休息吓囉。」而他近年大部份時間都留在香港，偶爾也有接拍電影和廣告。
近期，有不少港人喜歡北上消費「搵食」，加上交通又方便，東姑間中都會去湊下熱鬧。日前下午時份，東姑在深圳的關口，於人群中發現駱應鈞。現場所見，他一身輕便裝、孭住一個斜孭袋，有點兒漫無目的，未知是搵路定等找朋友？雖然當時戴住口罩，但他一雙凌厲的眼神，卻仍然令人feel到「東邪」的氣勢，不愧係「老戲骨」！
最Hit
