發佈時間：18:25 2025-03-29
陶大宇結婚了！前亞視藝員杜挺豪日前開直播，身為嘉賓的「大姐明」林建明一時鬆口爆陶大宇已婚！婚訊一出，大批網民紛紛送上祝福，更有網民指大宇「倒轉地球」找到幸福！
現年61歲的陶大宇與前傳媒高層女友家儀拍拖逾十多年，感情要好，就連罕談感情事的陶大宇，也曾激罕地以「打風都打唔甩」來形容和伴侶的關係。為保留私人空間，鮮有公開談及感情生活的陶大宇雖低調結婚，但在圈中已不是秘密，不少跟他相熟的圈中人，早已知道喜訊。
日前杜挺豪在其Youtube頻道「杜挺好味道Mr Hong Kong Kitchen」開直播，邀請「大姐明」林建明擔任嘉賓，期間邀請在場的家儀出鏡，介紹她是看着他入行、十分愛惜他的記者朋友。此時「大姐明」突然向家儀提議：「不如你叫陶大宇唱《倒轉地球》！好正呀，大宇哥！點解無啦啦提起呢，係因為佢係陶太﹗」
「大姐明」突然在直播中，鬆口爆出「陶太」這身份，令家儀一臉驚訝，但隨即不禁展露甜笑，舉起V字手勢，杜挺豪送上祝福，三人碰杯及擁抱。杜挺豪說：「恭喜晒！我其實唔知講唔講得！」「大姐明」說：「冇嘢係唔講得，事實就得，唔係捏造，唔係假新聞，總之真實就講得！好事，開心事，唔怕﹗」家儀表現大方的說：「多謝咁多位支持，大姐明講就得啦！」
「大姐明」一時口快，宣布陶大宇結婚一事後，大批網民送上祝福，稱恭喜陶大宇找到完美伴侶，更有部份網民笑言，指陶大宇不斷努力「倒轉地球」，就是要找尋給他幸福的另一半：「大宇哥，你反轉個地球，畀你搵到！」
2023年陶大宇接受訪問時，承認有結婚計劃：「我係冇排除過結婚，始終都要啱時間，大家都知道結婚係人生大事，唔係買棵菜咁簡單。可能我自己係處女座係有要求啲，所以想搵一個最合適嘅時間舉行。結婚，我係唔會唔結，因為呢個係最完美嘅人生嚟。都拍咗15年拖，係呢個，我唔敢話唔係，相信打風都打唔甩。」
