更新時間：08:00 2026-10-09
發佈時間：08:00 2026-10-09
發佈時間：08:00 2026-10-09
菠蘿包、蛋撻、奶茶......見到咁多嘢食都流晒口水！睇清楚啲，原來唔食得㗎，係個超有趣嘅美食科學展覽！今個10月，香港科學館將「食物」變成一場有趣嘅科學探索，今年法國科學節以「滋味科學」為主題，於10月1日至28日舉行「創味盤中餐」展覽。由日常飲食出發，探索食物背後嘅科學同創新，一家大細都可以邊玩邊認識美食科學！
分子料理x食物科學
展覽會帶大家認識分子料理技術，仲可以透過互動展品探索創新嘅雞蛋烹調方式由傳統食材到未來飲食、探索食物嘅演化與創新、可持續飲食及太空食品等，睇下科學點樣一步步改變我哋對「食」嘅想像。
長者飲食科技創新成果
食物除咗要好味，對長者嚟講，食得方便同安全同樣重要，展覽仲展示咗由嶺大賽馬會樂齡科技體驗館提供嘅符合人體工學餐具、輔助進食工具、加熱即食軟餐等，了解樂齡科技點樣融入日常飲食。一家大細仲可以一齊玩桌上遊戲，從遊戲中了解長者嘅膳食需要。
「港式滋味」專區
菠蘿包、蛋撻、奶茶呢啲茶餐廳經典美食，專區由口感、香氣同風味等角度，拆解大家熟悉嘅港式美食背後嘅科學原理，仲有好得意嘅打卡位。
《美食與科學的感官之旅》
除咗展覽，法國科學節亦有《美食與科學的感官之旅》電影放映，影片由「五感」出發，帶大家從科學角度探索「食」嘅奧妙 放映日期為10月9日，名額有限，網上報名，先到先得。
香港科學館「創味盤中餐」展覽
展覽日期：即日起至2026年10月28日
開放時間：
星期一、二、三及五：上午10:00-下午7:00
星期六、日及公眾假期：上午10:00-下午9:00
地點：香港科學館地下展覽廳
費用：憑科學館展覽廳門票、全日制學生或持有效博物館通行證者免費參觀
最Hit
