發佈時間：12:14 2023-11-14
地中海飲食文化以健康聞名，而地中海是包含各國和不同的文化，其中烹調風格富有混合的味道，大部分所吃的東西都是來大自然，令一道道菜餚都成為特色。
今次特別介紹給大家一間位於東涌的地中海餐廳（Ouzo Bar and Restaurant），這餐廳室內裝修以希臘風，設計簡約以藍白色調為主，白色牆身掛上藍色百葉窗門作裝飾，營造希臘著名藍白小屋感覺。
餐廳除了有室内位置，亦可選擇坐在室外的藤製檯櫈用餐，充满渡假感覺，Chill到不得了，絕對是假日遠離繁囂首選。
首先推介嘅係Greek Baby Octopus， 八爪魚食落非常有咬口、好彈牙，數量都幾多㗎，仲有炒飯做底，旁邊更加有沙律做配搭，好fresh又足料！
跟住Grilled Barramund 更是必點菜式！整條新鮮盲鰽以多種香料及配菜，如乾蔥蒜片烤焗而成。上枱嘅時候已經聞到陣陣清香，隨意灑上檸汁或師傅調制嘅醬汁，食落唔會乾 ，真係別有一番風味！
品嚐地中海菜美食，又怎能錯過大蝦呢？所以點了Prawn Mango & Avocado Salad 大大碟沙律，裏面就有主角大蝦，爽口彈牙，車厘茄同勁多的芒果肉，鮮甜美味，再加牛油果同清新爽脆的沙律菜一齊食，一個字「正」！
魚加羊就是一個鮮字，故此吃完海鮮，再來一個Rack of Lamb，此店烹調羊肉菜式令人有驚喜，羊肉一共有四件，肥瘦適中，羊肉有少少肉汁，羊味濃郁但不羶，香草味重， 仲有幾舊焗薯、蔬菜做配搭，搭配羊肉是一絕。
最後叫了店裏的招牌甜品Chocolate Marsbar Cheese Cake作個結尾，Cheese Cake下面的餅底很脆口，芝士味濃和蛋糕質地偏軟，口感幾特別，帶有微微的酸味，味道清新不膩！
Ouzo Bar and Restaurant，話明是 Bar and Restaurant，又怎能不介紹一下酒類飲品呢？店名的OUZO是傳統希臘酒的意思，如果你是好飲兩杯，必要一試。
東涌東涌海濱路8號海堤灣畔地下G號舖
攝影師：Derekque
