發佈時間：08:00 2025-01-20
前香港甲一男子排球員李爾晨（Kyle），於2016年出戰國際先生，操到一身脹卜卜的肌肉，令人一見難忘！年前，他毅然決定轉換軌道，由運動員搖身一變成為演員及健身中心創辦人，近日他還有新搞作，就是開設美容院。提起疫情期間，經營健身室可謂一步一艱辛，由於時常去諗點去「拯救」做好啲，搞到持續失眠，但如果可以將所學的健身理念傳揚開去，幾辛苦也是值得的！
幾年持續失眠
在疫情期間，經營健身室可謂一步一艱辛，但並沒有打消李爾晨建立健身王國的初心，他憶說：「其實，最近呢4年我好攰㗎，因為開公司同做演員一樣，好嘅時候，要諗點樣可以再做好啲；而唔好嘅時候就諗點樣去拯救，所以呢幾年我係持續失眠！每日只係瞓4個鐘，扎醒咗就瞓唔番，你問我值唔值得，我覺得係非常值得！」當然值得，李爾晨透露明年就會開第7間健身中心，他最希望能夠將自己畢生所學的健身理念傳揚開去，他還不忘推介自己的團隊：「我嘅團隊大部分都係香港嘅代表，佢哋有柔道、划艇嘅前隊員⋯⋯」
周旋兩女之間
早前，李爾晨在音樂短劇《戀上西沙》中，周旋於炎明熹和何沛珈兩位靚女之間，他表示感覺相當奇妙：「8年前，我得20幾歲嗰陣，我係拍緊一啲婚外情嘅情節，但係今時今日嘅我，竟然係拍住一個19歲嘅靚女（炎明熹），同佢有一段如遠若近嘅關係，真係同我開玩笑。不過，做演員就係咁，𠵱家年紀大咗，反而拍一啲青春戀愛劇，完全係我想像唔到嘅。」咁易俾你估到，呢個就唔係娛樂圈喇！
《東周網》獨家「質詢」馬清鏗「小三」五索，足本訪談內容已上線，快啲Bookmark 《星桄伴我心》Page喇！
即睇 : 獨家質詢馬清鏗「小三」五索“我係賤人，但我住山頂，你唔恨得咁多！”
《東周網》訪談系列節目《星桄伴我心》12月/1月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
