發佈時間：14:33 2024-12-26
梁釗峰歌迷會「峰心學院」，今年8月為他舉行生日會，於是他送出3份神秘大獎回禮，其中兩份分別是親自揸車接送粉絲，以及相約粉絲玩他最愛的Board Game。早前終於約齊人，當日他先開車接送幸運粉絲，再到Party Room會合Board Game得獎者，與20位被抽中的幸運「峰心粉」（釗峰粉絲暱稱）一齊玩Board game，過程開心又好玩刺激，釗峰一於一次過「找數」！
延伸內容：盧慧敏好懷念被狗仔濕吻 爆料馮允謙首日開工 狂問26次：你緊唔緊張？
延伸內容：天生我才達人秀︱ 百人匯演圓滿舉行 馮允謙李幸倪鼓勵年輕人追夢
延伸內容：得寵先生︱ 鄭丹瑞激讚廖子妤120分超班演出 首次演戲馮允謙怕被嫌棄
做「柴可夫」接送粉絲
「找數」的第1站，梁釗峰先開車到旺角接得獎粉絲MinMin，MinMin既興奮又緊張。途中，MinMin與偶像分享了很多日常事和心底話，她表示自C AllStar於2010年加入樂壇開始就喜歡四子，由Busking以至大大小小的活動，她都有出席支持，稱得上是超級忠粉，並強調在四子之中，最喜愛就是釗峰。釗峰感激說：「知道你逢騷必到，你嘅存在感好大，我認得你！」他追問對方為何喜歡C AllStar？MinMin回答：「因為唱歌好聽（釗峰：假嘅），因為靚仔（釗峰：呢個真嘅），覺得你哋幾個一齊好搞笑、好有化學作用！」
最愛開車讓腦袋放鬆
第一次開車接送粉絲的梁釗峰，坦言起初有點緊張，但很開心有機會了解粉絲更多。他透露私下只接載過幾位朋友，當中在車廂逗留得最耐的就是好兄弟馮允謙（Jay Fung）。他笑說：「打完波後，我哋會喺車度傾好多嘢，例如男人心事、音樂，互相畀Demo大家聽，再鼓勵下大家。」釗峰直言很享受駕駛樂，車速不快，對車款亦不是太講究，最愛開車讓腦袋放鬆。問他會否創作關於「車」的歌曲？他表示有興趣，可以好好想一想。
玩Board Game輸給精算師
「找數」第2站來到Party Room，20位「峰心粉」一早到場等待釗峰和MinMin。遊戲開始前，釗峰先講解Board Game的玩法，更笑言這個遊戲是需要一名精算師。遊戲正式開始，自稱「認真魔人」的釗峰瞬間進入認真Mode，與粉絲鬥智鬥力，過程緊張刺激，而勝出的「峰心粉」剛巧是一名真正的精算師，與釗峰的「預言」不謀而合！
趕及找數歡送移民粉絲
釗峰興奮說：「佢哋好投入，勝出者仲勁，我之前話『有個精算師喺度』，原來佢真實身份真係一個精算師，我下次會贏佢㗎，睇住嚟啦！」他表示有份抽中玩Board Game的「峰心粉」，幾天後便會舉家移民外國，慶幸能趕及邀約大家一齊玩，成功「找數」，希望對方下次回港時有機會再聚！
籌辦找數活動零壓力
問釗峰籌辦今次「找數」活動，可感到有壓力？他笑言：「梗係冇啦，我最鍾意就係玩，所以好享受同粉絲玩集體遊戲、互相交流，亦可以喺佢哋身上學習。有時會覺得同佢哋距離好遠，佢哋嚟睇我表演，其實我都好想睇佢哋表演，好似今日咁，有幾個玩得特別出色，仲贏咗我，希望將來再搞多啲活動，一於放馬過嚟啦！」
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
敬請期待：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
