發佈時間：17:23 2026-05-29
日前林漪娸公開點名轟戴志偉在拍攝吻戲時無故伸脷，引來網民熱議，緊接資深電影人劉定堅亦在其YouTube頻道上，大爆最近被傳早年欺凌過楊思琦的夏雨，疑曾向女星做出「伸脷」行為。
劉定堅爆夏雨風流往事 向高妙思「伸脷」
資深電影人劉定堅在其YouTube頻道上，大爆夏雨的風流往事，他指夏雨當年私下「爛滾」，更驚爆自己早年執導一部短劇時，安排夏雨與當時仍是新人的高妙思合作。劉定堅爆指在後期剪接時才從鏡頭中發現，夏雨在拍攝一場吻戲時，竟然向高妙思伸出舌頭。他表示：「我哋剪片，逐格逐格睇返，嘩，係咁嘴，係咁伸條脷出去！高妙思呢個人，就好傻女嘅，傻吓傻吓咁，唔識去抵擋。」似乎當時剛出道的高妙思，面對資深前輩的越軌行為，或許同樣是敢怒不敢言。
夏雨兒子黃奕晨回應事件
就劉定堅爆夏雨風流往事及向當時是年輕新人高妙思「伸脷」一事，夏雨的兒子黃奕晨（Dixon）昨日 ( 5月28日)出席電視節目直播，面對關於父親夏雨的「伸脷風波」，黃奕晨就大方地回應，他就話睇完報導之後都覺得好好奇，至於是不是真係會有咁嘅事發生呢？他話大家落得場去拍戲，都是專業演員，拍親密戲時，演員之間都會有溝通，會問過對方可不可以這樣做，得到對方同意，才會去做。他說：「大家都有個規矩去拍戲嘅。我相信呢個傳統係我哋嘅長輩一路流傳落嚟畀我哋、傳承落嚟嘅一個諗法，所以我相信所有人可能都係有誤會，先至會有呢啲新聞傳出嚟。」
嘲劉定堅唔知係「堅」定「流 」
對於劉定堅在片段中言之鑿鑿指控自己的爸爸，黃奕晨就幽默地回應：「哎呀，人哋個Channel叫『劉定堅』都已經……你仲要問呢啲問題？佢自己都唔知自己係『流』定係『堅』，所以先開個Channel叫『劉定堅』嘛！如果係『堅』嘅話，佢就叫『堅堅堅』啦，係咪先？叫『堅堅』啦！所以『劉定堅』即係『流』定『堅』呢？呢啲都係大家茶餘飯後拿嚟講吓嘅話題。但你話係咪去到好嚴重？如果真係好嚴重，當時就已經有事發生咗啦。」至於記者問黃奕晨會否向父親夏雨求證，黃奕晨就大爆父親記性好差，笑言父親連多年好友和他的生日都記不住，根本不可能記得幾十年前的拍戲細節。
