發佈時間：18:13 2024-12-07
由陳茂賢執導兼親自執筆的英皇電影《破·地獄》，由黃子華、許冠文（Michael）、衛詩雅（Michelle）、朱栢康和周家怡領銜主演。自11月9日開畫以來，短短29日已屢破多達10項票房紀錄，包括早前成為最快票房破億的華語片。今日（7日）正式踏入第5周上映，截至早上再刷新票房新高，累積票房已跨越1億2千2百萬元，正式成為史上亞洲及華語片港澳票房第1位，勁破香港票房歷史。對此主角黃子華希望每年都有一套或多過一套戲能夠破紀錄，許冠文笑言是祖師爺在幫手，衛詩雅則感恩獲觀眾喜愛和認同。
延伸內容：《破·地獄》亞太影展奪4奬 衛詩雅封亞洲影后感動哽咽 導演陳茂賢勇奪最佳導演感意外
延伸內容：《破·地獄》票房衝破6千萬 全新海報劇照展揭幕 許冠文稱電影真正為香港破地獄
延伸內容：《破．地獄》開畫週末創下香港電影9項紀錄 累積票房近1900萬
衷心感謝全球觀眾
對於《破·地獄》能打破香港華語電影最高票房，英皇集團主席楊受成發表感言：「我衷心感謝全球各地觀眾對電影嘅支持，呢部電影劇本出眾，製作精良，演員嘅表現帶來驚喜。祝福所有台前幕後仝人繼續努力，把握更多機會，拍攝更多唔同類型嘅好電影畀觀眾，同時祝願電影業更上一層樓！」
看後釋懷繼續修行
身兼導演及編劇的陳茂賢亦有感而發，答謝觀眾支持說：「《破·地獄》確實係一段充滿挑戰與幸運嘅旅程，係我迄今為止最具挑戰性嘅一部作品，亦係我對人生嘅一啲體會同領悟，係我寫畀人生嘅一封信，感謝所有觀眾有所感受並給予電影回應，希望每個觀眾睇完《破·地獄》後，都可以釋懷，讓自己繼續修行。」
主要演員有感而發
至於一眾主要演員得知喜訊，亦透過文字答謝觀眾的支持，黃子華說：「希望每一年都有一套或多過一套戲能夠破紀錄。」許冠文不忘答謝祖師爺稱：「意想不到嘅奇跡，估計今次係祖師爺喺度幫手，亦係全體台前幕後工作人員嘅功勞！」
衛詩雅喜獲觀眾認同，她坦言：「感覺好開心同埋好感恩，感恩遇上好嘅劇本，遇上好嘅對手演員，以及遇上好嘅團隊，最感恩係能令觀眾喜愛，獲得觀眾同大家嘅認同。」
而朱栢康深情感言道：「我𠵱家心情好激動，冇預期過呢部電影會有咁大嘅功效，好多謝所有支持《破·地獄》嘅觀眾，好開心呢部戲成為觀眾喺感情上抒發嘅渠道，另外喺人生上面都有一個思考嘅狀態，達到作為創作者最大嘅功效。」
至於周家怡特別感謝觀眾的參與度，她說：「好開心見到香港電影票房可以再創新高，多謝觀眾支持香港電影，有幸成為團隊之一，感覺好開心，特別多謝觀眾樂於喺社交平台分享對電影嘅感受同個人經歷，成就呢部電影嘅力量。」
————————————————————————
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開｜星桄伴我心
