發佈時間：14:30 2024-12-07
由姜咏鑫（Ada）、李晞彤（Carina）、馬思惠（Macy）和張鈊貽（VALC）組成的女團VIVA，今年5月出道，為了讓成員之間磨合得更好，一向愛錫後輩的師兄張敬軒，決定借出自己當年的發跡屋，給VIVA入住一個月，進行熟成計劃，等她們多相處和了解。張敬軒更即場化身「軒社監」設十大規條，讓VIVA好好善用他這間發跡屋。
延伸內容：VIVA大個女唔同晒 新歌擺脫韓風 咖啡因比喻對人上癮
延伸內容：UNi破地獄之音「核爆宇宙」 隊長解釋 : 唱得差係有原因
延伸內容：Me&全新聖誕歌登場 黃淑蔓期望到芬蘭會聖誕老人 連家穎愛吃大餐敍天倫
借出「發跡屋」要考慮
張敬軒的「發跡屋」位於天后廟道，是樓齡過半百的千呎唐樓，當年他搬到港島區後，這是他第一間租住的屋。VIVA入住前，軒仔特意裝修和添置不少新傢具，包括：拆窗花、做廚櫃、翻新牆身、換地板和大門等。之所以借出發跡屋，張敬軒坦言考慮了一段時間，他解釋：「4個互相唔太熟嘅女仔變成一個組合，係一件唔容易嘅事，自己亦都同佢哋做過幾次嘢，見到佢哋仲有好多嘢需要磨合。所以想佢哋『同居』一個月，或者一齊住仲會更加多磨擦，但亦都係對佢哋自身關係變得更鞏固，更了解大家嘅方法。」
親手寫下十大規條
「軒舍監」更親手寫下十大宿社規條：和睦相處、不能帶異性朋友過夜、節約用電安全用電、注意個人衛生、注意鄰舍關係、培養自己的生活習慣、注意室友感受、觀察這個社區、注意房間清潔及學會照顧自己，幽默之餘又充滿愛。至於他舊地重遊，張敬軒的回憶返晒嚟，他說：「呢間屋承載咗好多回憶，包括第一次上紅館、成張《No.ELEVEN》、同埋《酷愛》有啲歌嘅Demo，都係喺呢度唱，《故園花茶》都係喺呢度寫。」
分配各人家務擔當
雖然VIVA早前於韓國集訓時已有同居經驗，但這次要真正展開同居生活，4人不約而同有點擔心說：「喺韓國時始終大家未係咁熟，包容度高好多，但𠵱家熟咗喇喎，係咪好多嘢都可以直接講呢？哈哈！」隨後節目組分配各自的家務擔當：「廁所長」Carina負責廁所、吸塵及抹地；「廚房長」VALC負責廚房、煮飯及洗碗；「客廳長」Macy負責客廳、買餸與倒垃圾；「飯廳長」Ada則負責飯廳、洗衫及熨衫。
Ada化身搬篋專員
正式入住第1日，已迎來挑戰，就是自己搬行李行樓梯上單位。只見Ada一手將行李箱托起，然後一鼓作氣搬上去，當Ada已經到達單位門口時，其他3位成員仍是剛剛開始，最後Ada跑落樓梯，幫忙隊員搬篋，認真唔話得。入屋後，問到VIVA希望會有一個怎樣的經歷，VALC坦言想玩：「長期有班Friend喺度同我玩，會係乜嘢感覺呢？」Carina好奇道：「柴娃娃一齊玩一齊做Mission，其實係非常之簡單，但係坐喺度講一啲內心嘅說話，先至係最難。」Ada則希望想搵一個溝通的出口；而Macy想大家再熟絡點，她說：「希望我哋私底下可以變到好Friend好Friend！」
——————————————————————————
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開｜星桄伴我心
