發佈時間：13:38 2024-11-30
女團Me&趁着普天同慶的聖誕節，推出全新跳唱歌《Me& My Christmas Town》，「寰亞孻女」黃淑蔓（Feanna）和「長腿學霸」連家穎（Vian）於MV中化身可愛仙子，於舊式住宅大廈打造成的夢幻聖誕雪景拍攝，並僅用4日時間排舞，超額完成！提到難忘的聖誕節，連家穎最難忘與家人吃聖誕大餐敍天倫；黃淑蔓則希望到芬蘭與聖誕老人一齊慶祝。
延伸內容：一腳踢籌備跳舞Challenge跳勻全香港 連家穎預告Me&將推出全新聖誕歌
延伸內容：UNi破地獄之音「核爆宇宙」 隊長解釋 : 唱得差係有原因
香港特色聖誕場境
《Me& My Christmas Town》 MV由填詞人Oscar執導，並於一棟舊式住宅大廈取景。大廈由保安亭、大堂、升降機以至後樓梯，都富有濃厚的香港特色，製作團隊再擺放聖誕樹、巨型禮物盒等裝飾品，將其佈置成夢幻的聖誕場景。黃淑蔓表示MV是特意加入香港元素，她說：「聖誕歌大家會覺得好夢幻，或者白濛濛會落雪，其實喺香港都可以過一個好開心嘅聖誕節，所以同Oscar溝通過想加入一啲香港元素，希望大家可以睇到一個好靚嘅香港聖誕節。」
粉紅仙子造型吸睛
Me&在MV中有兩個造型，黃淑蔓尤其喜愛粉紅仙子裝的鹿角頭飾，因它與新歌第一句歌詞「想戴一對大鹿角」互相呼應。她們隨後換上仙氣爆燈的白色短裙，與舞蹈員在飄雪中跳舞，場面夢幻又浪漫。拍攝前，Me&與排舞師及舞蹈員在場邊落力練習，務求做到最好。黃淑蔓說：「由於時間緊迫，練舞次數唔多，用咗4日時間。」連家穎補充說：「兩日學晒成隻舞，兩日同Dancers排練，第5日就係噚日綵排，今日就拍。」
Me&首支全新廣東歌
而今次是Me&首支廣東歌，連家穎直言是新嘗試：「用咗好多時間去練習同研究，希望大家會鍾意。」 黃淑蔓接着說：「聖誕歌如果用英文係易表達啲，但因為我哋好鍾意廣東歌，所以就想做一首有香港聖誕氣氛嘅歌。」她還透露新歌原名是《My Christmas Town》，但她認為加添隊名「Me&」更有意思，所以《Me& My Christmas Town》就應運而生。
最愛節日「聖誕節」
黃淑蔓和連家穎更不約而同表示，最愛的節日就是聖誕節。黃淑蔓稱會花很多時間佈置屋企：「會買聖誕樹擺喺屋企，同埋會準備聖誕禮物畀我啲貓同屋企人。」至於最難忘的聖誕節，她笑言：「每年為咗超越上一年，所以每年都好難忘；而我一直有個願望，就係可以去芬蘭過聖誕，因為有聖誕老人村，可以見到聖誕老人。」連家穎則說：「每年最開心係同屋企人一齊整聖誕大餐，聚埋一齊傾吓今年發生過咩事，對我嚟講係好窩心。」
MV Link：https://youtu.be/aRlSCMN98g0?si=ZITHEWlqr3KvPWYY
拍攝花絮、訪問：https://drive.google.com/file/d/18f-khFlFRdWA3XBvHTpmd0Iv7A6a27IJ/view
《東周網》訪談系列節目《星桄伴我心》11月重磅嘉賓：
即睇：黎諾懿夫婦互爆閨房樂事 慶結婚10周年 | 星桄伴我心
即睇：林保怡失落《金雞獎》影帝 送花冧李珊珊 激罕親揭秘密關係 | 星桄伴我心
即睇：星桄伴我心 | 周吉佩牀前唱歌送別：「爸爸聽到眼角滴淚，先至斷氣！」
即睇：星桄伴我心 | 梁敏巧哭訴阿媽爛賭輸層樓 悲慘身世揭秘
