發佈時間：17:18 2024-11-18
由連家穎（Vian）、黃淑蔓（Feanna）和譚旻萱（Mandy）組成的女團Me&，當中的「舞蹈擔當」Vian，最近一腳踢製作跳舞Challenge《Vian In Public》系列，並會在個人IG Reels開播。22歲的她，日前更主動走到街上訪問途人，收集香港最佳跳舞地點的民意，直言要跳勻全香港，並挑戰高難度舞蹈，她更預告Me&即將推出全新聖誕歌。
延伸內容：蔡穎恩連家穎炮製芝士蘿蔔糕狂放笑彈 Evelyn曬超強刀功 Vian好味到跳舞
延伸內容：Me&拍賀年片打造《Eye To Eye》花開富貴版
延伸內容：見證Me&首個巴士車身廣告 黃淑蔓Vian興奮大叫瘋狂打卡 Mandy勁讚：大家都好靚
已播出約10集
目前《Vian In Public》系列已播出約10集，Vian分別到了觀塘碼頭、觀塘海濱長廊、荃灣天橋之城、汀九灣、迪欣湖、M＋天台花園、屯門兆禧主場天台運動場、西九藝術廣場等地方拍攝跳舞片。她說：「拍攝嘅時候都好多人圍觀，尤其第1條片喺觀塘碼頭拍，當日好多人跑步經過，會停低望，其實我唔好意思，阻到佢哋跑步，但佢哋留步睇住我跳舞，其實畀到我好多Energy，希望我同時都可以畀到Energy佢哋同埋觀眾啦！」
街訪遇到鼓手KB
近日她更走到街上訪問途人、收集香港最佳跳舞地點的民意。她來到銅鑼灣，並說：「今次我最想挑戰同訓練自己嘅口才，加上鍾意拍Dance Challenge，於是結合呢兩樣嘢，就誕生咗《Vian In Public》。因為我係『I』（內向）人嚟，好少主動同人講嘢，仲要做街訪收集民意，對我嚟講，係一個好大嘅挑戰。街訪當日好彩遇到KB前輩（人氣鼓手李健宏），佢過咗兩招畀我，佢話最好訪問啲着得好有型嘅人，因為通常呢類人都會較健談，我跟住做，真係Work，好多謝KB教路！」
一腳踢靠自己
今次Vian由選曲、編舞、拍攝、剪接到造型以配合歌曲形象，都是一腳踢靠自己，就連髮型、化妝和襯衫都不假手於人，她希望既有可愛活潑形象，又可型格帥氣，以展現出不同面向的她，她感激各品牌贊助，還有公司團隊全力協助，加上腰患剛痊癒，令整個計劃得以順利進行。
期望有第二季
Vian熱愛跳舞，坦言受到韓國K POP文化影響，昔日愛看MV無師自通學跳舞，從而發現自己的跳舞天份，並想挑選對自己有深遠影響的歌曲。她說：「影響我最深嘅係BIGBANG、2NE1等舊作品，呢啲歌啟蒙到我，所以特別揀咗佢哋較舊、對我影響好深嘅作品，向佢哋致敬，多謝佢哋令到今日Me&嘅Vian出現。我期望《Vian In Public》有第二季，衝出香港，去日本、韓國等外地拍攝，運用我少少嘅語言天份，同其他國家嘅人做街訪。」
Me&即將推出新歌
除了忙於拍攝《Vian In Public》，Vian更透露Me&即將推出新歌，她續說：「我哋近排密鑼緊鼓籌備緊新歌，係一首好有節日氣氛嘅聖誕歌，𠵱家進行緊排舞、錄音同拍MV嘅工作，大家可以密切留意，因為今次對我嚟講，係一個好新嘅嘗試，之前《Eye to Eye》係一首英文歌，今次就嘗試唱廣東歌，希望大家拭目以待！」
