發佈時間：20:57 2024-12-06
入行12年的趙璧渝（Osanna），今年憑TVB劇集《逆天奇案2》「妹頭」一角及《法證先鋒VI：倖存者的救贖》中飾演「網紅」凌詩蕙，由寂寂無名的演員一步一步入屋，除成功提名本年度《萬千星輝頒獎典禮》「飛躍進步女藝員」獎項外，更獲續約擔任美胸代言人。早前她便與曾參選港姐的妹妹趙穎琪，一齊到外地拍攝美胸廣告，齊騷豐滿身材，十分吸睛！
延伸內容：娟姐自言五官夠晒靚 從不為身型放棄美食
首與妹妹合作壓力大
首次與妹妹合作，趙璧渝直言既興奮但又感壓力大，她解釋：「同阿妹開工，原本諗住當去旅行去玩咁，但原來會好緊張，因為責任感大咗，始終家姐帶住阿妹，會想特別Take Care佢，不過其實阿妹面對鏡頭都冇唔習慣，始終選過港姐，有晒經驗。另外都有個好處，一齊開工大家可以互相鞭策，例如On Diet、Keep Fit同做Gym。」
有份爭獎似成就解鎖
對於有份角逐本年度《萬千星輝頒獎典禮》「飛躍進步女藝員」獎項，趙璧渝揚言如能入圍10強，有資格出席頒獎典禮，已是夢想成真，她續說：「其實可以提名已經好開心，自己讀訓練班嘅時候，邊會諗到可以出席頒獎禮記者會吖，感覺好似成就解鎖；今年又有3套劇出街，令大家睇到我演繹唔同嘅角色，希望可以得到觀眾嘅肯定，亦都對媽咪有一個交代，佢見到我近年啲劇角色有發揮，佢都好開心、好安慰，亦會將我嘅報道剪低儲起，好感動呀！」
跟宣萱拍劇獲益良多
她稱入行已12年，由冇對白到現在遇上好角色，已非常感恩，她坦言：「有次喺日本，有個香港人竟然認得我，叫得出我全名，真係好開心！」在重頭劇《巨塔之后》中，趙璧渝飾演宣萱的徒弟，二人亦有不少對手戲，Osanna表示能跟宣萱合作，令她開心到幾日都瞓唔着，她笑指：「宣萱係一個非常好嘅前輩，超Nice同超專業，除咗演戲，仲會同我哋分享好多想法，又畀咗好多鼓勵我，喺佢身上學到好多嘢，係呢次拍劇嘅意外收穫。」
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開｜星桄伴我心
