發佈時間：17:37 2024-12-04
TVB綜藝節目《與天地對話》在12月2日播出的一集，繼續是踏足澳洲北領地林盛斌（Bob），在節目上，林盛斌的媽媽激罕現身，她在鏡頭前公開希望兒子做一件事，結果林盛斌喊着說：「對唔住。」
林盛斌不單是娛圈「多仔公」兼吸金力極強，試過被好友陳敏之爆有10億身家，由旺角蝸居搬到九龍塘豪宅！但原林盛斌曾經經歷過談親情及事業危機，曾與太太經歷過流產的遺憾，又因被《東周刊》拍下他買「鹹碟」而成為封面人物，與及曾瘋狂醉酒鬧事，遇上人生「最大一次公關災難」。
延伸內容 : 阿Bob林盛斌掃四仔揼邪骨斷正 揭好丈夫真 ｜ 12年前出土封面故事
延伸內容 : 男士小便後應揈乾定抹乾？專家教你5招解決尿滴+正確尿尿方法
延伸內容 : 「金牌媒人」林盛斌開Live 李珊珊激罕現身 公開求偶：「總之要地球人！」
太太曾小產 為逝去的小生命進行儀式
「多仔公」林盛斌與太太黃乙頤均十分喜愛小朋友，因為他們覺得小朋友能帶來希望及歡樂，就在他們決定生第四胎時，不幸的事情發生了：「嗰陣同太太商量不如生多一個，跟住就努力造人，然後好彩好快就成孕，但又好唔好彩咁陀咗2-3個禮拜左右，我太太話畀我知小產咗，嗰一刻都係唔開心同失落嘅。」不過向來正面的林盛斌，決定再努力嘗試的同時，並在朋友的佛堂為逝去的小生命進行儀式：「希望佢可以去到佢想要去嘅地方，我好記得我同太太喺喇嘛師傅念緊經時，我哋不約而同喺心入面同BB講：『如果你想返嚟我哋呢一個屋企，你就返嚟啦，我哋隨時歡迎你。』唔知係神明保佑定係點，隔咗大概一到兩個月左右，（太太）真係又有咗，就係而家嘅細佬，我哋好開心、好感恩。」
客戶預備鹹片usb 叮囑 : 以後唔好再買嗰啲碟
在節目中，林盛斌則會暢談人生「最大一次公關災難」：「大到令我覺得可能要玩完，就係12、3年前第一次上雜誌封面，我記得封面出街前，嗰晚有個朋友打畀我，話影到我買鹹碟…當時我一睇個封面，條題類似係好男人人設崩壞，買四仔。嗰時我心諗死火，我第二朝打電話畀澳門啲老闆，話我喺香港出咗事，問佢可唔可以收留我？嗰時我直頭覺得係世界末日，嗰陣其實我屋企都已經有兩個小朋友，咁我唔可以冇收入、唔可以唔搵食。」之後決心面對自己錯失的阿林盛斌，逐一致電當時合作的客戶道歉，還向對方表示可以隨時換人，豈料換來的竟是意想不到的答案，有客戶更表示，預備了一隻儲有三千多套鹹片的usb並叮囑林盛斌：「以後唔好再買嗰啲碟。」林盛斌邊說邊感嘆：「真係做錯咗，咪改過咯！」
