發佈時間：17:02 2024-11-16
由C君（鄭詩君）、高海寧（高Ling）和陸浩明（6號）主持一共3集的全新旅遊節目《Grand住去大阪》，於今晚（16日）首播。今晚播出的第一集，三人將大歎米芝蓮餐廳兼全世界最貴壽司、豪花數萬日元享受頂級Spa之餘，更會每晚入住大阪不同的天花板酒店。當中，戒食牛肉多年的高海寧，親眼被即場解剖的吞拿魚頭嚇親；而C君趁機向陸浩明施壓催婚，6號聞言即表示煩過自己媽媽，並說：「你唔好煩我喇！」
延伸內容：TVB節目巡禮2025︱ 3大綜藝節目全新登場 同場加映阿姐搵拍檔 郭柏妍派福利
延伸內容：貝兒遊世界︱ 陳貝兒挑戰百人同遊 感動與媽媽同行 做孝順女照顧十足
似拉麵碗的香檳桶浴缸
3位主持出發前「Grand住」在香港機場頭等候機室等上機，而上輯《Grand住去台北》的主持黃翠如驚喜現身「送機」。首間介紹的酒店品牌向來以Hip和Style見稱，這間在大阪的酒店，以大人遊樂場為主題，並由日本著名建築師安藤忠雄設計，噱頭十足！位於酒店頂層、樓底4.5米高、佔地2,800呎、約51,058港元一晚的只此一間Extreme-WOW套房，超開揚落地玻璃，可以俯瞰城市景色；浴室的銀色鏡面浴缸，設計理念來自香檳桶，高Ling笑指形狀似足巨型拉麵碗，時尚又Funky！房內還設有DJ台打碟，且隔音、防震設備完善，絕對是派對場地之選。
大歎米芝蓮一星餐廳美食
其後，C君、高Ling和6號帶大家到米芝蓮一星餐廳歎法國菜，一入門口高Ling已被古典裝潢所吸引住，她高呼「好Classic」。三人品嘗了鴿肉鴨肝香料麵包碎、咖啡牛油烤鹿兒島和牛和干邑海藻燉煮藍龍蝦等。6號食到和牛時誇張地形容說：「我覺得隻牛好似活生生喺條脷度奔跑緊！」卻被C君反駁：「唔使講咁多㗎，我哋淨係話畀話觀眾知好食就得。感受？觀眾自己嚟感受嘛！」
吃腦天喚醒對牛扒記憶
另一間值得推介的，為吞拿魚極致餐廳，高Ling和6號品嘗吞拿魚多個稀有部位，包括胃、心和眼窩等，還有吞拿魚珍貴部位—腦天。廚師即場表演解剖魚頭，高Ling被嚇得一邊掩眼一邊說：「第一次有人喺我面前咁劏魚法！」已戒牛逾10年的高Ling，吃過香煎腦天後，形容味道激似牛肉說：「好耐冇食過呢浸味，喚醒番對牛扒嘅記憶！」
《千與千尋》海上列車真實版
二人食完吞拿魚大餐後，繼續撇甩C君乘坐奢華的「丹後黑松號」觀光列車，從京都北面天橋立駛往西面的西舞鶴，邊歎和風定食套餐，邊欣賞沿途的優美風景，其中駛過橋與水面距離僅得6米的由良川鐵橋時，呈現著名日本動畫《千與千尋》裏的海上列車真實版，猶如在海上行駛一樣！
被C君施壓催婚6號嫌煩
及後，兩人會合C君前往必到的地標兼拍拖勝地—梅田藍天大廈空中庭園，於360度全方位觀景台欣賞大阪夜景，接着再到室內餐廳睇靚景、歎美酒。由於該處是求婚熱門地方，C君乘機向6號施壓催婚道：「點解你對求婚少少誠意都冇？拖咗人咁多年都唔肯娶人呢？完全冇婚姻概念。」6號無奈笑指C君比自己母親更囉嗦，他續說：「到時我第一個通知你，你唔好煩我喇！」
