發佈時間：20:50 2024-11-16
前天堂鳥成員葉泓聲（Gordon）與前女子組合Freeze成員陳樂榣（Ally），已育有兩名女兒，Ally現更懷孕7個多月BB，預產期為明年1月，今日（16日）二人正式註冊結婚。他們在一間餐廳內，由律師主持婚姻簽紙儀式，並在家人及好友見證下，終結成夫妻，他們在IG開心稱：「我哋係葉生、葉太。」而選擇今日註冊，兩人笑言: 「因為呢一日大家得閒，兼且係吉日呀！」至於Gordon在宣讀誓詞時有點哽咽，場面感動；但Ally則笑言：「我就覺得係老夫老妻，我只係好肚餓想食嘢！」
延伸內容：葉泓聲三代同堂 風水信仰與千呎風水屋
延伸內容：陳樂榣 葉泓聲 夫妻同心齊吸金
延伸內容：台上扮「豬」型爆 葉泓聲台下變慈父換尿片
宣讀誓詞感動
Gordon與Ally全程放閃，大曬幸福。當Gordon宣讀誓詞時，感動到有點哽咽，他說：「今次我哋安排以家人為主，最初諗住心情輕鬆啲，原來讀誓詞係好感動，我諗明年大宴親朋有更多人一齊見證時，會更加感動。」Ally則笑言：「我就覺得係老夫老妻，Gordon比較鐘意儀式感，我只係好肚餓想食嘢！」問到Gordon近年工作不斷又順利，是否覺得Ally旺夫？Ally搶着說: 「我唔敢自己講，不過你（Gordon）讚我就一定接受。」Gordon續說: 「可能係我旺妻呢！因為妳都開新舖，生意興隆喎！最緊要係大家都順利！」
明年下旬擺酒
預產期為2025年1月中的Ally表示，已與Gordon商量，應該在明年下半年擺酒，Gordon補充說: 「老婆好怕熱，會黑面㗎！所以等天氣涼啲先擺酒，已經計劃好明年年尾去滑雪、再去馬爾代夫渡蜜月，因為太太呢兩年一直都佗BB，要享受番二人世界吖，不過我又唔捨得兩個女，都係一家人去旅行。」
唔好激嬲老婆
問到兩人有甚麼夫妻相處之道時，Gordon笑言：「盡量唔好激嬲老婆，大家相處要包容，好彩老婆都易氹。」Ally就認為大家最緊要坦白說出感受，兩夫妻不要有隔夜仇。
今日到賀賓客大部份是雙方家人，還有好友袁偉豪與太太張寶兒和BB，以及楊梓菁、蘇麗珊等，跟他們一起分享這個幸福愉快的時刻。
