發佈時間：15:38 2024-11-05
由旅遊節目《嫁到這世界邊端》至近期熱播的《無窮之路》，陳貝兒近年走遍世界各國拍攝，紀錄不同風土人情和歷史面貌。最近就推出《貝兒遊世界》旅遊系列，頭炮是前往絲綢之路的甘肅敦煌之旅，並於今年十月中出發，她首次挑戰隨旅行團與百人同遊的新體驗，加上難得和媽媽一齊旅行，她直言特別感動難忘。
延伸內容：香港小姐2024丨直擊紅地氈靚人靚衫
延伸內容：「鐘錶界美女」胡曦文騎大象駱駝 漫步沙漠看日落巧浪漫
延伸內容：黃心穎熱情的沙漠 沙漠之旅盡顯甜蜜幸福
搵一個心靈伴侶
陳貝兒稱：「過去幾年一直不停飛，今次係第一次咁大規模，我哋百幾人一齊包機、浩浩蕩蕩咁出發，未試過有百幾人同行，半玩半拍攝，旅程真係好熱鬧同滿足！」
陳貝兒感受最深刻，要數同行團友中，有一組55周年同學會參加旅行慶祝，她笑言：「試想像一下，一班朋友已經相識咗超過半個世紀，累積咗好多回憶，佢哋之間傾偈同玩都温馨同有默契。另有一對夫婦好Sweet，都已經70幾歲，全程都會拖住手行，佢哋已經結婚40年，兩公婆依然好甜蜜，睇到我好感動，希望將來我老咗，都搵到一個心靈伴侶，繼續去玩。」
十分奇妙的佛緣
陳貝兒在9天旅程中，經歷寶貴體驗，例如在大漠夜觀星空；於營地圍住篝火跳舞、欣賞中國傳統打鐵花及煙火表演；又騎駱駝暢遊鳴沙山、月牙泉；穿上古裝西出陽關，貝兒第一次經過河西走廊，在敦煌莫高窟更有奇遇，她續說：「真係好奇妙嘅緣分，喺莫高窟入面竟然重遇一位我認識多年嘅高僧師傅（佛光山住持心保和尚），佢帶咗我同媽咪參觀絕少對外開放嘅158號洞窟，呢個洞窟入面係一尊巨型卧佛，我喺入面參拜誦經，真係感受到十分奇妙嘅緣分！」
第158號洞窟是敦煌莫高窟最具有代表性的洞窟之一，估計已有1,200年歷史，內裏的臥佛身長達15.6米，佛像雙眼半閉，微含笑意，表現了釋迦牟尼涅槃時的情景，而洞窟更繪有大大小小的菩薩及羅漢像。
報答媽媽的辛勞
陳貝兒此行難得寓工作於娛樂，與陳媽媽結伴旅行，她笑言是趁機報答媽媽的辛勞，她坦言：「我唔喺香港時，事無大小都靠媽咪，咁大個女仲要媽咪照顧。所以今次出Trip旅行，終於有機會全程由我照顧媽咪，好開心有咁嘅WE TIME。」她續透露曾和媽咪去過台灣和曼谷。首次兩母女踏足沙漠、在星空下談天，並說：「酒泉有一個金塔胡楊景區，秋天嘅胡楊木樹葉全部變晒金黃色，背景好靚好優美，媽咪非常開心，我哋影咗好多相，令我深深感受到無論做咩都好，對身邊人嘅愛，對媽咪、爹哋同對屋企人嘅愛，都要愛得及時，因為時間有限，人生無常，要及時行樂，把握每一個時光，把握每一個相遇。」
