發佈時間：15:54 2024-11-13
陳慧嫻（Priscilla）為慶祝入行40年，將於2025年1月底在紅館舉行4場《The Fabulous 40 Priscilla LIVE IN HONG KONG 》演唱會。相隔9年再踏上紅館，她指今次不會打搞老朋友，反而想邀請小鮮肉及小妹妹做嘉賓自肥，心目中的人選有靚仔魏浚笙（Jeffrey）和唱作歌手江海迦（AGA），她笑言如果Twins嚟一齊跳《跳舞街》就好了。
延伸內容：劉德華︱ 52場巡唱圓滿結束 劉德華台北站感動落淚 12月約定Fans紅館見
延伸內容：明年2月紅館開20周年個唱《合體》 王菀之突破唔換衫兼由6點唱到11點
延伸內容：開Show前歌迷推介食燒鵝瀨 許靖韻內地巡演感動 由頭喊到尾
個唱籌備一年
陳慧嫻昨日（12日）舉行演唱會記者會，她指個唱已籌備了一年，今次演唱會以「花」作主題，意思是由初開到盛放，連演唱會海報都化身為一朵超級大紅花；加上其經典歌曲，代表她事業不同階段的轉變，問她現在覺得自己是什麼花時，她想也不想便答「紅玫瑰」：「我鍾意玫瑰花，而且因為係新年，所以當然要用紅色，而且我好似從來都冇喺演唱會海報用紅色，覺得好摩登！」
送驚喜給粉絲
陳慧嫻透露將會送驚喜給粉絲，就是演繹一些從來沒有演唱過的歌曲：「大家好希望聽嘅Side Track都會唱，呢次會唱8首，當然仲有應露則露嘅靚衫。」她為此而努力減磅，目標在開騷時減20磅，她續說：「今日之後就閉關，專心Keep Fit，會做運動同食營養餐，盡量減啦！」
嘉賓有新鮮感
再踏紅館，陳慧嫻稱想做回一個純粹的自己，但因上次已邀請過譚詠麟、張學友及蔡一傑等老友做嘉賓，所以今次不會再請他們，反而想請小鮮肉和小妹妹自肥，她直言：「其實我仲未邀請，不過就想請Jeffrey（魏浚笙）做，因為佢好靚仔，女仔就鍾意AGA（江海迦），因為佢嘅音樂好特別，仲有好希望Twins會嚟，一齊跳《跳舞街》。（會唔會請日本跳舞團體Avantgardey？）會有類似嘅跳舞組合，亦會有一部分係Dance Medley，到時一定會勁跳！」
好友康復得好
另外，問到好友蔡一傑的狀況，她指事前已知道對方身體不適，但著大家不用擔心，因他康復得很好。至於跟她組成「少女雜誌」的黎芷珊及陳樂敏，陳慧嫻表示黎芷珊應該會來看，至於陳樂敏則已移民，並笑言若叫她上台唱歌，對方應該會心臟病發。
