發佈時間：14:41 2023-08-25
若然大家鍾意睇YouTube的話，都會認識一名頭戴毛毛兔仔頭、翻唱「別人的歌」的網絡歌手星星兔Sing Sing Rabbit，然而近日這名身份神秘的星星兔開始踩入香港音樂圈，繼2022年同周國賢（Endy）合唱的日文歌《恋花》後，近日又同天后級人馬陳慧琳（Kelly）合唱新歌《The Day When We Fall In Love》。
星星兔Sing Sing Rabbit身份神秘，有人話她是在港日本人，亦有人話香港人在日本人，有些人更笑她是來自星星的外星人，日前她接受《東周網》訪問時，就笑言自是一個百份百的香港人，給大家錯覺，只是一個美麗的誤會而已。星星兔話：「其實我只係一個平凡的香港人，冇喺日本讀過書，亦冇話喺日本正式生活過，只係我由細到大都好喜歡日本文化，會聽日本歌。」
機緣巧合到日本發展
至於到日本發展，都是機緣巧合的，星星兔於一次日本當地的授權展中，她是唯一一間香港公司，於展覽入面，她認識了當地一個賣洗頭水的朋友，她一次過買了她五張唱片，由於覺得這個人的舉動很奇怪，在好奇心的驅使下，她打了一年電話給這個人。直至這個人在日本擺洗頭水展覽，他竟然主動邀請星星兔過去睇，而她又真的應約，二人的合作關係就開始了。
星星兔表示：「我哋自從這次之後，我哋了解對方多咗，發現原來佢本身係一位音樂人，但因為地震關係，佢需要接管屋企嘅業務，於是放棄音樂。直至我哋遇上，佢話有種重生嘅感覺，亦因為佢係一個音樂監製，我哋就開始一齊做音樂。」同一個日本授權展當中，星星兔又認識了音樂手遊《Cytus II》的母公司，最後成功將三首歌曲放到遊戲當中，更不時出席日本的大型活動演唱，就連早前《第11回沖繩國際映畫祭》也有她的身影。她笑言：「其實日本知名便利店Family Mart都有播我嘅歌，不過可能時段撞唔啱，我試過行入去都聽唔到。」
膽粗粗邀Kelly合唱
至於同周國賢（Endy）合唱的日文歌《恋花》，這都是因為二人一早已經相識，大家在對的時間，有對的計劃，而同同天后陳慧琳（Kelly）合唱一曲，是因為星星兔是一個膽大過人的人。星星兔：「我係一個諗到就乜就會即刻去做的人，幾年前，我曾經透過Kelly的公司去邀請佢，但當時冇回音，直至喺金像獎上，我見到Kelly，於是再膽粗粗問下佢，佢之後就答應咗我，我真係好開心，所以堅持係好重要的。」
