發佈時間：18:30 2024-10-22
羅啟豪（Ramon/英國豪）的歌迷會，為了令更多觀眾認識他，便舉辦一個名為《相信 相信羅啟豪 Believe in Ramon Lo Busking Tour》，計劃讓Ramon唱勻十八區。日前啟豪來到一間寵物友的咖啡室，完成他第五站的Busking，活動更邀請了魏嘉信（Cris）作為嘉賓；「豪殼」（啟豪歌迷暱稱）亦趁機帶同寵物一齊觀賞偶像的演出，令現場非常熱鬧，頓時變成小動物天地！
延伸閱讀：《羅啟豪去大阪以 100 萬朵粉蝶花做MV 背景 一個原因令佢同兩隻迷你豬「相依為命」！》
延伸閱讀：羅啟豪大馬雲頂處男登台 全場爆滿座無虛席
寵物友善Café演唱
啟豪為現場觀眾唱出《孤雛》、《想說》、《飛機師的風衣》和《Better Man》等歌曲，當然不少得屬於他的《相信相信》。問到啟豪點解揀選這個場地，他解釋：「自從Busking Tour計劃開展以嚟，收到最多嘅場地建議就係九龍城區呢個新商場；加上歌迷會知道我鍾意綠色空間同飲咖啡，又喜歡小動物，所以就喺商場內揀咗呢間半開放式嘅寵物友善Café，畀我對住草地唱歌畀大家聽。」當日幸得天公造美，一眾歌迷能在清爽的天氣下，欣賞啟豪唱歌，聽得特別投入。
雀仔跟住唱快歌
而現場不單止逼滿豪殼，還有很多他們帶來一齊欣賞啟豪演出的寵物，狗仔一定唔少得，連貓和雀仔都有份。啟豪見狀，笑到見牙唔見眼說：「聽講貓仔Lily係第一次出街，好榮幸Lily第一次出街就係嚟欣賞我嘅Busking；另外仲有兩隻好靚好乖嘅雀仔，歌迷話當我唱緊輕快歌嘅時候，佢哋就即刻跟住一齊唱，真係好得意！」
慳家本色請嘉賓
提到請Cris做嘉賓的原因，啟豪不諱言除了欣賞他的聲線和唱腔之外，坦言是因為貫徹自己的慳家本色，他續說：「Cris呢個金牙大狀，平時講嘢真係超級風趣幽默，所以搵佢嚟做嘉賓，唱歌之餘，仲可以包埋棟篤笑，一舉兩得！」見Cris一出場，即為現場觀眾帶來很多笑聲，就知道啟豪真的「奸計得逞」！
聖誕特別版Busking
啟豪開心表示Busking Tour一次比一次觀眾多，希望往後的演出，觀眾人數會繼續節節上升，並十分期待歌迷會，開始著手籌備聖誕特別版的Busking，拭目以待！
