發佈時間：15:24 2024-10-16
早前，王晶於YouTube的自家頻道，大爆演藝圈的趣聞秘史，當中他就提到第一代「晶女郎」邱淑貞。兩人因合作無間，而傳出緋聞；不過，王晶後來轉型拍青春片，在其中一齣電影中，邱淑貞由於不滿另一女主角鄭秀文的戲份比自己多，導致兩人自此產生嫌隙，更令他們由非常close的朋友，開始變得疏遠，甚至變成陌路人。
日前，《東周刊》就發現，三女之母的邱淑貞，孖住20歲的第二女沈日，以黑色母女裝現身中環。現場所見，邱淑貞心情似乎唔太靚，還一臉愁容；之後，母女孖住前往一間酒店high tea消愁！
幸福美滿
90年代的「性感女神」邱淑貞（豆豆），自1999年與I.T創辦人沈嘉偉結婚後，隨即淡出幕前，並先後為老公誕下三名女兒，分別是大女沈月、次女沈日及幼女沈晨，一家五口幸福美滿。兩夫妻至今結婚25年，豆豆從未怎樣向老公發過脾氣，她曾表示要好好控制自己的情緒，不要因一時衝動而傷害到夫妻間的感情，所以他們至今仍恩愛如昔。
王晶大爆演藝圈趣聞秘史
早前，王晶在YouTube開設了頻道《王晶笑看江湖》，大爆演藝圈的趣聞秘史。90代年，王晶與豆豆合作無間，先後拍過《赤裸羔羊》、《香港奇案之強姦》、《慈禧秘密生活》及《賭神》系列等電影，成功將豆豆打造為「性感女神」，紅遍中港台！
節目中，他特別憶述當年拍《赤裸羔羊》的內情，譬如在電影開拍前，因游說豆豆拍攝大尺度的海報，而成功引起話題，「其實，因為佢接咗呢部戲先至係『女神』，之前係一個『玉女』，即係同周慧敏一樣。我話俾佢知，如果繼續做玉女，唔會再有突破；於是，我同佢設計一個3點不露、性感而唔低俗嘅形象，咁佢就可以好勁！」
確保有安全感 安排女攝影師拍攝
王晶續說：「拍時要有安全感，當時喺香港《Playboy》搵咗個女攝影師去拍，到拍嘅時候，除了服裝阿姐同攝影師，連我同霍耀良（導演）都唔可以在場，拍完我哋只可以睇成品，studio入面得3、4個人，全都係女性，所以佢就好放心！拍完出來效果非常強烈，人哋上映先出海報，我就開拍第一日就出，全港嘩然！一開始已全部人留意。」
此外，當時王晶還出動了3部攝影機拍攝：「要盡量cover晒所有畫面，唔需要拖長咁耐，因為拍呢種戲對女演員嚟講，都幾折磨！但中間有段插曲，佢黐嘅膠布有個範圍凸起咗，不斷穿崩。我問佢信唔信我，信我就唔好黐，我保證佢出到嚟，乜都睇唔到，現場真係冇黐
嘢⋯⋯拍完OK，我花了3日時間，喺剪接房，逐格逐格剪走，見到少少都要剪走。我一剪晒出嚟，就將唔用嗰啲全部消滅咗，如果咁樣承諾都守唔到，呢個唔係男人嚟！」
邱淑貞不滿鄭秀文戲份較多
原本兩人一直合作無間，直至1996年，王晶向豆豆提出轉拍青春片，於是接拍了由鄭伊健主演的《百分百啱FEEL》，而當時豆豆因不滿另一女主角鄭秀文戲份比自己多，因此令她與王晶合作上出現嫌隙，關係轉差：「其實《百份百啱FEEL》係雙女主角，但佢覺得鄭秀文嘅戲比佢多，引致不滿，加上當時香港電影業走下波，開始少合作，由非常close嘅朋友，開始疏遠咗。其後，我幫佢爭取到拍《算死草》；再搵我個老同學兼影展常客關錦鵬導演，度身訂做咗一部《愈快樂愈墮落》，當時佢有個心願，希望有部戲去外圍參展，部戲當年在柏林影展有提名。」其實，王晶當年是該片的幕後搞手，既出錢又出力，但卻沒有給自己一個「監製」
食咗死貓
當年，豆豆曾向媒體透露，王晶曾做過一件深深傷害了她、不可原諒的事，王晶亦有回應：「其實，我都不知道！我真係覺得冇，就算有，我相信係誤會。如果有人指責我對佢唔住，我唔會解釋⋯⋯你點去解釋，都唔會改變到佢嘅想法。」他續說：「大家咁好朋友，我就食咗呢隻死貓囉！」原來，在豆豆懷孕期間，王晶曾在一間以前常帶女方去的中醫館重遇，他憶述：「當時，大家好客氣傾咗兩句，但就開始覺得全醫館所有人都望緊我哋，咁我就行開。以後冇乜特別來往，我都覺得唔適合，唔應該來往。」
兩母女歎high tea
日前下午3時許，在中環的街頭，本刊就拍到三女之母的豆豆，與現年20歲的第二女沈日行街，而大女沈月及幼女沈晨則未見芳蹤。老公身家「億億聲」的豆豆和沈日坐着7人車，由司機接載到達。兩母女打扮低調，均穿上黑色為主的悠閒服；期間，豆豆雖然戴上口罩，但不難發現她笑容欠奉，還一臉愁容。莫非是受昔日「親密拍檔」的爆料所影響，抑或煩惱女兒的學業？跟着，母女齊齊進入一間酒店high tea，歎吓美食，將一切不悅事拋諸腦後。
