發佈時間：13:44 2024-02-26
前麗的花旦李影昨日（2月25日）在加拿大離世，終年70歲。與李影相交近半世紀的的黃淑儀（Gigi姐），證實好友的死訊，李影的兩個女兒收到噩耗後，立即訂機票返加拿大為母親辦理後事，兩姊妹亦在社交平台表示：「我哋下世再做母女啦！」
黃淑儀前日才通電話
證實李影的死訊後，好友們都深表難過，黃淑儀表示本來與李影相約在今天見面，兩人前日（24日）亦曾通電，當時李影並沒有事。黃淑儀續指李影一直在香港居住，在今年情人節當日才返回溫哥華，兩個女兒亦趕返加拿大為媽媽處理後事，大家的心情相當難過。
沈穎婷:好幸運能夠做你的女兒
對於媽咪的離世，大女沈穎婷昨日亦在社交平台表示︰「多謝大家關心，我同妹妹依家返緊去加拿大接媽媽回家。大家有心了！媽媽為人好低調，平時鍾意同朋友出去聽歌、唱歌、玩，唔希望大家會為咗佢唔開心太耐。無太多想講，希望外界畀啲空間我哋。唔夠幾個鐘就全香港都知其實係勁嘅。李影的確係威嘅，證明好多人都好錫媽媽。好幸運能夠做你的女兒，下世約你再繼續呢段緣分啦！」
細女Vivian話媽咪好曳
細女Vivian則說︰「李影今日好曳咁唔同我講電話就走了... 過咗幾個鐘就全香港都知... 我都話李影紅過家姐好多㗎啦... 知喇知喇... 知你靚女過我啦！我哋下世再做母女啦！李影... 我愛你！」
曾與劉松仁拍拖7年
李影與劉松仁是麗的電視訓練班同期同學，昨日有傳媒向曾跟李影拍拖的藝人劉松仁求證，劉松仁表示不知情：「我哋一直有聯絡，但冇聽過佢有咩病。」他稱要打探一下便匆匆收線。
李影曾與劉松仁拍拖7年，她曾在訪問上表示劉松仁是拍拖最久的男友，當年可謂因了解而分開：「當時好貪玩，佢（劉松仁）成日勸我放工就好好休息，唔好四圍去玩，我聽唔入耳，慢慢感情轉淡，在冷戰中分手。當時大家又細個，大家嘅脾氣、大家做嘢忙……就係咁囉，好簡單，即係好似你同男朋友未必一定唔鬧交，啱唔啱先？（前夫不是這一行？）唔係呢行……我後尾好快結咗婚，好快離咗婚，幾年前佢（前夫）都sayonara（離世），即係人生另外一個階段。」
李影曾被拍到與男子撐枱腳
回復單身後，李影曾被影到與一名男士於土瓜灣某間食店撐枱腳，他們完全沉醉於二人世界之中，情到濃時更甜蜜咀嘴，事後李影只承認男方是其好朋友，未有正面回應是否有第二春，「現在這個環境最緊要開心，大家要健康，今日唔知聽日事。」李影亦對男方的身分堅拒透露，指對方是圈外人，其他事情不想講太多，因為不想影響身邊人。
