發佈時間：16:33 2024-01-21
《渣打馬拉松2024》今日（21日）舉行，吸引7萬4千名跑手參加，當中有不少藝人參與，包括影星周潤發、《愛‧回家之開心速遞》的「大小姐」林淑敏、「接龍劉德華Andy」崔錦棠，曾參演《愛》劇飾演「Luna」的「東張女神」何沛珈，就連懷第二胎的梁諾妍也是參加者之一，丈夫洪永城到場支持打氣。
馬拉松是一項挑戰個人極限的賽事，為求有更出色的表現，以及減低受傷的機會，何沛珈、林淑敏和崔錦棠等一早到達現場，進行連串熱身運動。卧虎藏龍，「Andy」崔錦棠曾是香港田徑青年組冠軍，更是世界三項鐵人錦標賽香港代表，並贏得亞洲世錦賽獎項，由於長跑經驗豐富，何沛珈去年10月開始「拜師」學藝，邀請對方擔任長跑教練，進行密集式訓練。
崔錦棠全程擔任領跑，最後他和何沛珈兩師徒以58分6秒完成10公里比賽，而林淑敏則以1小時零8分完成。賽後他們更巧遇洪永城和梁諾妍，即場合照及交流競賽感受。
以1小時4分完成10公里賽事的梁諾妍在ig分享感受，對於今次和腹中的「Sir face 2.0」參賽，她說感覺非常奇妙：「今年嘅渣馬好特別好amazing ，有個小BB陪住我一齊完走，今年當然冇特別做時間，我嘅心態智在參與，輕輕鬆鬆咁跑，享受其中，仲要有埋洪爸爸勾喺我背脊嘅「child in car」加持，大家如果有特登讓路請見諒，亦好感激大家讓路。我選擇咗喺自己10公里組別入面排到尾尾先開跑，慢慢起步，頭3公里都比較塞人，唔緊要啊，我就慢慢塞慢慢跑，用自己最舒服嘅pacing去跑，好多謝所有過嚟同我講加油嘅朋友仔！」
梁諾妍更說想借此告訴媽媽們，孕期中在身體情況許可下，都可以做想做的事：「今次嘅參與唔係想證明俾人睇孕期期間都可以去跑個10公里，只係想鼓勵媽媽們喺自己身體許可下，了解自己身體狀況下，繼續去做自己喜愛的事，自己能力範圍內做適量嘅運動、散步、yoga、pilates等等絕對可以令孕媽放鬆心情。」
另外，以2小時26分08秒完成賽事的周潤發，說出發前吃了飯糰及雞蛋，跑步時的個人策略是「留前鬥後」：「要耐性啲，慢慢跑，唔好急，有段斜都幾辛苦，兜上去。我都係後生仔，我有排捱，我出年會更加努力啲，希望兩個鐘完成。」
被問到未來會否接拍跑步題材的劇本，他打趣稱：「做香港阿甘，跑勻全世界，阿甘精神，跑鬼死人。」衝線後他應不少市民及傳媒要求合照，盡顯親民，他說今次人數多，沿途有不少人要求合照，也見到有很多長者一起跑，認為可鼓勵更多港人做運動。
