更新時間：14:10 2026-10-14
發佈時間：14:10 2026-10-14
發佈時間：14:10 2026-10-14
容祖兒將於明年1月22日和23日登陸啟德主場館開騷，雖然門票未發售，她昨晚已率先開直播宣布好消息，指自己已跟公司成功爭取，落實加開1月18日真頭場，並稱如果反應熱烈，不排除再加場。
落力向公司爭取
她稱知道很多fans好想睇，所以做了一個很大膽的決定，「兩場優先場其實已經迅速，勁熱烈、勁誇張，你知我一定收到好多friend嘅order，成件事好似一個浪咁。其實我自己又好開心同埋感動，我已經好耐冇同大家開一個大show，我都好掛住大家，既然大家咁錫我，我係咪應該要爭取多啲嘢呢？」
加開1月18日真頭場
今次加開1月18日真頭場，容祖兒稱是特別為一直等待她的粉絲而設，因首場的觀眾對歌手非常重要，「希望能夠用你哋嘅力量幫我話畀大家聽，亦都希望我嘅頭場有你哋嘅參與，因為我自己覺得，歌手頭場係需要最錫我嘅fans同我交換力量！」
喊住唱〈陽光普照〉
她表示今次會安排埋1月18日作優先訂購，同時證實將會採用三面台表演，比容易存在視線阻礙的四面台，更能帶來更震撼的視覺效果。
去到直播尾聲時，容祖兒坦言對上一次開大型演唱會已是2019年的事，當時曾承諾3年之後會製作一個新演唱會，可惜最後3年又3年，如今已經7年，所以今次可以開騷，她的心情既複雜又感動。最後她即興清唱新歌〈陽光普照〉送歌迷，更感觸落淚，一度喊到要停唱，要用紙巾拭淚，場面感人。
最Hit
