發佈時間：17:10 2026-10-08
被網民封為「世紀廢男」的梅啟明、周永恆與張致恒（Steven）日前罕有合體現身《東周網》x鼎豐盛的直播，三人事先講明將會任插唔嬲，坦蕩蕩地面對網民的尖銳問題，任問任插都唔嬲。
梅啟明死唔認係「廢男」
被封「遺產界KOL」及渣男之首的梅啟明，被問到覺不覺得自己是渣男和廢男，他就強調地否認：「我肯定我唔係賤男，佢哋兩個都唔係！邊個咁行出嚟話我係賤男廢男?」而身旁的周永恒就即時和他保持一定的距離，並表示：「喂，你代表你自己好喇！你唔好講埋我哋兩個呀！」主持問周永恆是否都覺得梅啟明是一名渣男和廢男，他就未有直接回答，只笑言自己全程控制住自己情緒，否則會重複之前的情況，聽梅啟明要製作「AI梅媽」下葬而「反枱」，轉身走人。
梅啟明被追問這些年用了梅媽多少錢？他說：「唔好講先，反而係我姪仔由細使到大，我阿媽俾幾多我就攞幾多！」更向已故胞妹梅艷芳說：「我好掛住你呀！」有網民問到若鍾培生邀請他上擂台，梅啟明即爽快謂：「打到天腳底都打！」對於網民說他僅值兩蚊出場費，他霸氣謂：「梅啟明呢三個字點可以用兩蚊嚟衡量？」
日日畀老婆鬧 張致恒：我日日都想離家出走
另外，一直被網友怒轟借錢唔還錢及只懂賣慘的張致恒，就親解那張$9,489天價電費單的由來，他解釋其實是累積兩個月的電費，一家6口連同工人姐姐的用電量、每期大概$3,000，後來申請分期付款，金額逐漸累積下來，才變成這個數字。
張致恒坦言自己多年來加加埋埋共欠債約100萬，當中債主有蔡卓妍（阿Sa）、關智斌和林盛斌（阿Bob），現時每月扣除家庭開支3至4萬，其餘都已盡力還給朋友，至於家姐張詠恩早年曾借給他20萬，其後冇再借，因家姐現在要擔起照顧父母的責任，壓力亦相當大。
談及老婆雯雯經常放負，就連當日他做直播期間，雯雯都急Call他，張致恒就無奈地表示：「其實我老婆日日晚晚見到我都會鬧我，係冇一日唔會鬧我嘅，不過我都知大家面對好大壓力，但點難過，為咗幾個小朋友都一定要過。」有網友就留言問他，有冇試過想離家出走，逃避現實。張致恒就火速回答：「有，我晩晩都有諗，但諗完，都係要面對現實。」
周永恆對「前妻」內疚
周永恆笑言自己不明白會跟梅啟明和張致恒被納入為同類人，但既然被納入，就跟大家一起傾下偈，而他就透露現時樂於做一個貼地的外賣員，每月有穩定2至3萬收入，足夠照顧自己，生活穩定。已離開幕前多年的他坦言對音樂仍充滿熱誠，間中都有參與街邊的busking，但無意重返娛樂圈。
有網友就直接地問他對「前度」有否內疚？他坦言：「有，呢件事都困住咗我好耐，用咗好多時間去放低。嗰陣時18歲就識佢，我連佢個名都唔想講，唔想再去騷擾任何人，大家都已經唔係呢個圈嘅人，所以更加應該保護佢哋！」
延伸內容 : 孖老婆獨家受訪 張致恒自爆借財仔慘遭奚落
延伸內容 : 梅啟明爆要製作「AI梅媽」下葬 周永恆聽到爆粗 現場突發「反枱」
延伸內容 : 女方情慾短訊曝光 爆周永恆與Ivy離奇復合
延伸內容︱「賤男天花板」周永恆偷食女助手 向前妻發出「死亡短訊」
