更新時間：08:04 2026-09-22
發佈時間：08:04 2026-09-22
發佈時間：08:04 2026-09-22
由歐陽靖（MC Jin）帶入樂壇Rapper出道的唐嘉麟（KT），自2012年加入無綫，擅長演社團及小人物角色，繼早前在《非份之罪》的單元「石倌案」殺人後，是次在熱播的《死有對証》從良，當法醫小隊的劏手，是韋家雄、陳曉華的助手。
勁講爛gag
雖然KT昔日都有飾演過專業人士、ICAC、警察的重案組人員等，但卻是首次接觸到法證部，「我第一次接觸到法證裏面嘅工作，好開心同韋家雄合作，因為佢鏡頭後講好多爛gag 㗎，我又好鍾意，變相我哋開工嘅時候就好嘈，好搞笑！其實今次演繹呢個角色唔難，當我喺殮房裏面講對白時，會特別認真，反而出咗殮房時食飯，我就做返自己，相信觀眾會睇到我呢個反差。而作為法醫劏手，拍攝時，啲道具全部都係用豬嘅內臟，當道具人員喺冰箱攞啲內臟出嚟，跟住佢開始融雪嘅時候，嗰陣臭肉味就開始充斥着成間廠，我至今都記得嗰味。」
首同性戀者
而拍畢《死》劇後， KT緊接有新劇，亦有參與新片《龍紋劫（暫名）》的拍攝，正好演他至愛[人反派，更破格飾演一名同性戀，不單烈艷紅唇，又會大洒「蘭花手」，他說︰「係我入行15年，第一次演同性戀，要揸上紅唇膏，都搞笑嘅。我係戲裏面好壞，暫唔劇透。」稍後他重投音樂，會出5首歌；還會跟老友劉展霆拍鬼馬片放上網。
延伸內容︰死有對証│韋家雄演活「毒舌老油條」高級法醫 大爆拍攝辛酸 險中暑 解剖臭味難頂
延伸內容︰死有對証｜黃嘉雯神級變臉 嚇窒觀眾 演技升呢成熱討！
最Hit
