更新時間：18:02 2026-09-07
發佈時間：18:02 2026-09-07
發佈時間：18:02 2026-09-07
張與辰日前獲同樣來自馬來西亞的健康營養品牌邀請擔任星級嘉賓，即時吸引了不少辰粉到場支持。張與辰在活動上分享他如何在繁忙的演藝生活之中，保持健康與狀態：「每日都有好多工作要做，愈簡單嘅保健產品愈適合我，有時外出工作難免要會食到比較多油、多鹽、多糖嘅食物，但係好彩有唔同嘅保健品幫我打好底，長久嘅健康先可以繼續產出好嘅作品回饋樂迷。」
張與辰同樂迷玩遊戲
活動期間，張與辰同樂迷玩遊戲，有份參與的他，和樂迷齊齊獲品牌送禮品：「我都有份，好似『蝦』佢哋咁，哈哈，大家都要玩得開心。」他為大家獻唱《迷戀有害》時，未知是否太緊張，竟然兩度忘記歌詞：「哎呀，我今日做咩呀？」追求完美的張與辰要求重唱，樂迷見到他可愛又專業的表現，齊齊大合唱，更瘋狂歡呼「Encore」，親民的他更即場清唱，現場猶如小型音樂會，氣氛熱烈又融合，秉承讓健康變成生活的理念。
自小受失眠問題困擾
張與辰於活動後受訪，透露自小已被失眠問題困擾：「我11歲開始已經失眠，試過做好多運動，都係瞓到半個鐘，到大半夜先瞓得着，所以我會從飲食同保健品方面調理身體。之前病過入院，見過鬼都怕黑，而家出街起碼飲10支水，成日去廁所。」他大力推薦品牌的免疫系統及氣管系列的產品，又謂因曾經患過兩次COVID，服用保健產品後，氣管比較舒暢。
10月回家與家人見面
張與辰指今年中秋將到加拿大工作，10月回家與家人見面：「直到我生日先可以再搞歌迷聚會，因為佢哋話好鍾意玩Cosplay，我哋已經好今年要用中世紀做主題，我連劍都準備好。」更笑謂考慮為打扮得最漂亮的樂迷送上公主抱。
延伸內容 : 爆狄波拉寵幸張與辰助攻内地 譚輝智被打入冷宮
延伸內容 : 張與辰嫌唔夠靚仔 整容鐵證曝光
最Hit
