更新時間：14:25 2026-09-05
發佈時間：14:25 2026-09-05
發佈時間：14:25 2026-09-05
現年40歲的朱智賢，早前在社交平台分享凸肚腩照片，惹來懷孕誤會。昨晚（4日），她在會展出席時裝活動提起此事時，笑言是為了工作才這樣拍照，指體重最驚人時達128磅，現在已瘦下來，但比起最瘦的時候，仍有一段距離。
朋友想留言恭喜
「以前無論點狂食嘢都唔會肥，但𠵱家年紀大，難控制體重，要靠運動去減，所以𠵱家食嘢都有啲怕。之前分享嘅肚腩相都係為咗賺錢，用咗產品就會fit返，但我後來知道有啲女仔係唔會咁做。我開頭都覺得冇所謂，之後覺得有啲醜怪，有啲人仲以為我有咗，同我講差啲想留言恭喜我。」
凸腩相可大可小，她笑言只要夠喜歡，不會嚇走追求者。現時她感情空白，自稱是宅女，感情隨緣，交由上天安排。「感情冇得急，夾硬搵未必能夠開花結果。」
揀亞洲人做男友
提及擇偶條件，朱智賢要求高過自己或平頭，但朋友都表示想做媒人介紹都很難，皆因身邊的朋友都矮過她。她又落閘抗拒考慮外國人，「我鍾意亞洲人，本地人易溝通啲。」
除了朱智賢，陳爽、楊張新悅、關嘉敏和陳星妤也有現身活動。
最Hit
