更新時間：15:11 2026-07-08
發佈時間：15:11 2026-07-08
發佈時間：15:11 2026-07-08
MC張天賦昨晚(7月7日)於紅磡體育館舉行一連五場《E=MC² 演唱會2026》，首場邀請陳蕾、Billy Choi及Novel Fergus三位圈中好友擔任嘉賓。張天賦首先於大鐵籠裡升上舞台，型爆登場，全場「賦二代」high爆尖叫，以《Tipsy》、《This is MC》及《168.5》三首快歌炒熱氣氛。
張天賦熱到爆炸堅拒除衫
MC與Billy Choi合唱《168.5》期間，更有多位踩高蹺舞者上台，MC亦與舞者手上的鏡頭互動，形成超強身高差對比的獨特視角。完成開場三首快歌後，張天賦換上拼布白色西裝再度上台，笑言臨時加插講話橋段：「本來冇咁多talk位，早兩日發現跳完三首歌回唔到氣，所以講下嘢拖延下時間！」更率先趁頭場宣布不會除衫：「好熱呀！雖然我最近瘦咗，但為免你哋麻煩同尷尬，今日係唔會除衫㗎！」MC果然言出必行，他就算熱到爆炸狂呻熱，「賦二代」不斷高呼除衫，他都拒絕除衫。
陳蕾爆初時見面張天賦口花花
張天賦首場個唱邀請來陳蕾擔任演唱嘉賓，請陳蕾由濃煙密佈的玻璃盒裡升到舞台上，現身一刻令樂迷驚喜尖叫！MC與陳蕾《永久損毀》後，MC笑指覺得此曲最難演唱，因此率先在頭場狀態最好、未唱至爛聲前表演，陳蕾便開玩笑指連日嘉賓即是以難度由深至淺排序，轉數極快的MC便表示其實由公司決定，流程上僅與自己商討。MC問陳蕾記唔記第一次相遇的情況，陳蕾坦言唔記得冇印象，之後MC喚起她的記憶，當時自己走埋陳蕾身邊講咗一句：「我好鍾意你㗎！陳蕾。」陳蕾被一言驚醒，就笑言：「我記得喇！當時我心諗，公司就係簽咗呢個人，口花花啦！我對MC第一印象就係輕浮！死𡃁仔！過嚟撩姐姐講嘢嗰種感覺。」但此後與MC經過相處成為朋友，了解對方後發覺數年來成熟許多
最Hit
