發佈時間：17:04 2026-07-06
林漪娸早前接受電台節目時大爆初入行拍感情戲秘聞，分享當年螢幕初吻被戴志偉奪走，更指控戴志偉「蝦𡃁妹」拍kiss戲「加料」伸脷。事後戴志偉即成城中熱話，戴志偉之後接受傳媒訪問時，就有點嬲豬咁反問：「2秒做到啲咩？」並希望林漪娸出來同佢作出解釋。林漪娸昨日（6月5日）出席公開活動時，就解釋自己與李友毅及戴志偉好熟，因為大家也是哥爾夫球會的成員，大家也會見面打波，在李友毅的節目中純粹講以前一些點滴，不過她認為自己不應口快快講出戴志偉的名字：「純粹係講笑，講返件事出嚟，唔係話一個投訴或者係話佢個人有問題。」提到戴志偉對待這件事很認真，林漪娸說：「佢唔開心始終都有，但件事過咗咁耐，係一啲點滴，如果有聽段錄音，就知道好似而家講笑咁講出嚟。」
林漪娸已預先將錄音給予對方聽
林漪娸坦言訪問出街前見到戴志偉，她都知有機會「出事」，所以預先將錄音給予對方聽，原本開頭戴志偉都冇乜嘢，不過可能是經過傳媒、KOL後，大家放了不同意見於內，就將件事搞到好大。林漪娸無奈地說：「變咗好似我真係投訴佢、話佢，可能佢個心就會好唔舒服，所以佢又做返回應。」當記者轉述戴志偉否認伸脷的立場，林漪娸說：「都唔緊要啦，因為過咗咁多年，大家隨住年齡都唔係好記得，但我印象中係有嘅，但已經唔係一個問題，因為係講返件事，只係一啲點滴。」
林漪娸：唔係追究佢人品唔好
林漪娸表示早前有一個慈善賽，戴志偉也有在場，但因為當日是陳敏兒的安息禮，所以自己沒有出席，但其實兩人在打慈善賽或球會中也會碰面，但相信見面也不會有甚麼，今次只是他想表達自己的不舒服，這樣也可以理解。問到會否請對方食飯？林漪娸笑說：「但佢伸脷喎！冇嘢，都過咗咁多年，講笑咁講出嚟，聽返係純粹笑，唔係追究佢人品唔好，咁多年前後生仔後生女，你話而家伸脷就好有問題啫！」
延伸內容 : 戴志偉遭林漪娸控訴拍kiss戲「加料伸脷」 事隔1個月開腔反擊「兩秒做到啲咩」 翻查劇集咀嘴戲有疑點？
延伸內容：68歲戴志偉背妻與索女車廂密會斷正！
延伸內容：戴志偉 頭現「地中海」
