發佈時間：17:37 2026-06-29
現年24歲的郭珮文（Juliana），於2023年參選香港小姐競選，雖然在5強止步，但憑着35C的澎湃上圍及纖細腰線，火速被網民封為新一代「最強Body」女神。
經常呈現「天然呆」狀態的Juliana，笑言自己絕非故意裝傻，這其實是她與生俱來的社交恐懼：「我想講嘢，但係我唔知人哋想唔想聽，所以咪唔講咁多囉。同埋我唔鍾意有好多人一齊，鍾意小組活動，一至兩個就最好，所以多人我就有少少恐懼。」
近日，Juliana因參與戀愛真人騷《女神配對計劃2》，而人氣再度急升！在宣傳活動上，她大方公開其中一項擇偶條件：「要求對方月入10萬。」頓時掀起網絡熱話；之後，她澄清是共同收入或台幣亦可。她重申自己並非拜金主義，只是思想成熟及向現實低頭。她直言：「我講錢係因為以結婚為大前提考慮，因為香港嘅使費真係唔低，結婚係需要錢，咁樣可以令到生活條件好少少，唔需要日日為錢而擔憂，我自己希望有穩定嘅經濟，而再有下一步。」
大男人控
Juliana又自爆是一個「大男人控」：「我鍾意嘅男人係比較偏大男人，因為我個人係一個冇乜所謂嘅人，同埋我係需要對方保護我。性格方面，佢一定要好有責任心同埋有擔當。其實冇話單一方面要有好多錢，其他嘢亦可以彌補。」已單身8、9個月的Juliana，自認對感情非常專一，提及最刻骨銘心的一段情，她透露維持了3年多，可惜最終敗給了距離，她無奈的說：「之前嗰個係我拍得最耐嘅，大約3、4年，因為係long D（異地戀）。佢喺美國，時差足足有12個鐘。我本身覺得佢個人好穩定，大家相處好融洽，又已經過咗磨合期。到後期，大家都好了解對方，相處得好舒服，所以我有諗過同佢長遠。」
無奈，無止境的等待令Juliana陷入精神內耗。她傷感的說：「始終距離太遠，我有少少焦慮，成日去諗幾時先可以真正行埋一齊？會唔會隨時結束？感覺好唔真實。當其時諗住，大家暫時都冇辦法可以喺埋同一個地方生活，所以最後決定分開。」
告別舊情，Juliana對結婚生仔依然充滿憧憬：「我希望30歲前可以結婚生仔，因為後生啲，可以比較有精神去湊小朋友，同埋個人比較有活力，生完之後身體都可以快啲recover（復元）。我目標係生1至3個，仔女都冇乜所謂，個天俾咩我，我就要咩！」Juliana不單止天然呆，還鍾意順天而行，難怪天賦於她驕人身材！
Profile
姓名：郭珮文
英文名：Juliana
年齡： 24歲
三圍： 35”C、24”、36”
身高： 168cm
入行：2023年參加《香港小姐競選》，晉身最後5強，隨後簽約TVB成為旗下藝人。
學歷：美國紐約大學畢業。
藝歷：綜藝節目：《福祿壽訓練學院》、《女神配對計劃2》；
劇集：《法證先鋒VI：倖存者的救贖》、《新聞女王2》、《俠醫》等。
